Эмпайр-Стэйт-Білдынг
Эмпайр-Стэйт-Білдынг (па-ангельску: Empire State Building) — 102-павярховы хмарачос у Нью-Ёрку, разьмешчаны на скрыжаваньні Пятай авэню й заходняй 34-й вуліцы, пабудаваны ў стылі ар-дэко. Назва паходзіць ад мянушкі штату Нью-Ёрку — «імпэрскі штат» (па-ангельску: The Empire State). З моманту пабудовы ў 1931 годзе і да завяршэньня будаўніцтва паўночнай вежы Сусьветнага гандлёвага цэнтру ў 1972 годзе Эмпайр-Стэйт-Білдынг быў самым высокім будынкам у сьвеце. Вышыня апошняга паверху складае 373,2 мэтру (разам з антэнай — 448,7 м)[1]. Пасьля тэрактаў 11 верасьня 2001 году Эмпайр-Стэйт-Білдынг зноўку стаў самым высокім будынкам у Нью-Ёрку, аднак, ня самым высокім у сьвеце. 30 красавіка 2012 году хмарачос стаў ізноў другім паводле вышыні будынкам у Нью-Ёрку, калі новы будынак Сусьветнага гандлёвага цэнтру дасягнуў яшчэ большай вышыні[2]. Эмпайр-Стэйт-Білдынг некаторы час зьяўляўся трэцім паводле велічыні хмарачосам у ЗША, пасьля Ўіліс Таўэр і Міжнароднага гатэлю і вежы Трампа, абодва зь якіх месьцяцца ў Чыкага. Па стане на 2019 год, будынак займаў чацьвертае месца сяродых самых высокіх будынкаў Нью-Ёрку і шостае месца сярод хмарачосаў ЗША.
Эмпайр-Стэйт-Білдынг, як правіла, разглядацца як амэрыканскі культурны сымбаль. Будынак зьяўляўся ў больш за 250 тэлевізійных перадачах і фільмах, пачынаючы з выхаду ў 1933 годзе фільму «Кінг-Конг». Ён быў названы адным зь сямі цудаў сучаснага сьвету Амэрыканскім таварыствам грамадзянскіх інжынэраў. Будынак і інтэр’ер ніжняга паверха зьяўляюцца славутасьцямі гораду паводле рашэньня спэцыяльнай гарадзкой камісіі, якое было пацьверджана ў Нью-ёрскім савеце атаксаваньня[3]. Будынак быў аб’яўлены нацыянальным гістарычны помнікам ЗША ў 1986 годзе[4][5].
З моманту свайго адкрыцьця назіральная пляцоўка пад адкрытым небам зрабіла яго папулярным атракцыёнам, то бок каля 4 мільёнаў турыстаў з усяго сьвету наведваюць 86-ы і 102-і паверхі будынку[6]. Будынак стаіць побач з іншымі буйнымі турыстычнымі славутасьцямі Мідтаўну, як то Пэнсыльванскі вакзал, Мэдысан-сквэр-гардэн, Карэйскі квартал і Мэйсіс-Гэралд-сквэр.
Крыніцы
рэдагаваць- ^ «Empire State Building». SkyscraperPage (анг.)
- ^ «It's official: 1 WTC is New York's new tallest building». NY Daily News. (анг.)
- ^ White, Norval & Willensky, Elliot (2000). «AIA Guide to New York City» (4th ed.). New York: Three Rivers Press. — С. 226. — ISBN 0812931076.
- ^ «Empire State Building»(недаступная спасылка). National Historic Landmark summary listing. National Park Service. (анг.)
- ^ Pitts, Carolyn (April 26, 1985). «Empire State Building». National Historic Landmark Nomination. National Park Service. (анг.)
- ^ «Empire State Building Fast Facts». CNN.
Вонкавыя спасылкі
рэдагаваць
Эмпайр-Стэйт-Білдынг — сховішча мультымэдыйных матэрыялаў
- Афіцыйны сайт (анг.)
- Эмпайр-Стэйт-Білдынг на Emporis.com (анг.)
- Эмпайр-Стэйт-Білдынг на Structurae (анг.)