Фрэдэрысія (гандбольны клюб)
«Фрэдэрысія» (па-дацку: Fredericia Håndboldklub) — дацкі гандбольны клюб з аднайменнага гораду. Выступае ў Дацкай мужчынскай лізе. Свае хатнія матчы ладзіць на мескім спартовым цэнтры.
| Фрэдэрысія | |||
 | |||
| Поўная назва | Fredericia Håndboldklub | ||
|---|---|---|---|
| Кароткая назва | Fredericia | ||
| Заснаваны | 1990 | ||
| Чэмпіянат | Дацкая ліга | ||
| 2023—2024 | 2 месца | ||
| Форма | |||
| Клюбныя колеры | |||
| |||
| Спасылкі | |||
| Афіцыйная бачына | |||
Гісторыя
рэдагавацьГандбольны клюб «Фрэдэрысія» быў створаны ў 1990 годзе ў выніку зьліцьця дзьвюх гандбольных камандаў гораду. Папярэднім сучаснай дружыны станавіўся чэмпіёнам Даніі ў 1975, 1976, 1977, 1978 і 1979 гадах. Пасьля некалькіх гадоў у найвышэйшай лізе наваствораны клюб страціў месца ў эліце, вылецеўшы ў другі дывізіён у 2011 годзе. У 2012 годзе каманда збанкрутавала і апусьцілася яшчэ ніжэй у сыстэме дацкіх лігаў. Паступова каманда выцягвала сябе ўгару, гэтак у сэзоне 2019—2020 гадоў «Фрэдэрысія» вярнулася ў найвышэйшы дывізіён. Рэгулярны сэзон 2021—2022 гадоў каманда завяршыла на 6-м месцы. У сэзоне 2023—2024 гадоў каманда дакрочыла да фіналу, дзе ў трэцяй вырашальнай гульні саступіла «Ольбаргу» зь лікам 26:27. Дзякуючы такому посьпеху каманда атрымала месца ў розыгрыш Лігі чэмпіёнаў на наступны сэзон[1].
Дасягненьні
рэдагавацьНацыянальныя
рэдагаваць- Дацкая ліга:
: 1975, 1976, 1977, 1978, 1979
- Кубак Даніі:
: 1971, 1972, 1973, 1974, 1976, 1977, 1982
Крыніцы
рэдагаваць- ^ «Helt vildt: FHK skal spille Champions League i næste sæson». Fredericia Dagblad.