Урад Казахстану

Урад Казахстану (па-казаску: Қазақстан Республикасының Үкіметі) — найвышэйшы орган выканаўчай улады Рэспублікі Казахстан.

Урад ажыцьцяўляе выканаўчую ўладу Рэспублікі Казахстан, узначальвае сыстэму выканаўчых органаў і ажыцьцяўляе кіраўніцтва іх дзейнасьцю^[1]. Урад утвараецца прэзыдэнтам Рэспублікі Казахстан згодна з Канстытуцыяй.

Функцыі ўраду

Урад Рэспублікі Казахстан ажыцьцяўляе наступныя функцыі:

распрацоўвае асноўныя кірункі сацыяльна-эканамічнай палітыкі дзяржавы, яго абароназдольнасьці, бясьпекі, забесьпячэньня грамадзкага парадку і арганізуе іх ажыцьцяўленьне;
распрацоўвае і прадстаўляе Парлямэнту рэспубліканскі бюджэт і справаздача пра яго выкананьне, забясьпечвае выкананьне бюджэту;
уносіць у Мажыліс праекты законаў і забясьпечвае выкананьне законаў;
арганізуе кіраваньне дзяржаўнай уласнасьцю;
выпрацоўвае меры па правядзеньні вонкавай палітыкі Рэспублікі;
кіруе дзейнасьцю міністэрстваў, дзяржаўных камітэтаў, іншых цэнтральных і мясцовых выканаўчых органаў;
касуе ці прыпыняе цалкам ці ў часткі дзеяньне актаў міністэрстваў, дзяржаўных камітэтаў, іншых цэнтральных і мясцовых выканаўчых органаў Рэспублікі;
прызначае на пасаду і вызваляе ад пасады кіраўнікоў цэнтральных выканаўчых органаў, што не ўваходзяць у склад Ураду;
прызначае на пяцігадовы тэрмін на пасаду чатырох чальцоў Падліковага камітэту па кантролю за выкананьнем рэспубліканскага бюджэту;
выконвае іншыя функцыі, ускладзеныя на яго Канстытуцыяй, законамі і актамі прэзыдэнта.

Чальцы ўраду самастойныя ў прыняцьці рашэньняў у межах сваёй кампэтэнцыі і нясуць асабістую адказнасьць перад прэм’ер-міністрам за працу падначаленых ім дзяржаўных органаў.

Чалец ураду Рэспублікі Казахстан ня мае права:

быць дэпутатамі прадстаўнічага органу;
займаць іншыя аплачваемыя пасады, апроч выкладчыцкай, навуковай ці іншай творчай дзейнасьці;
ажыцьцяўляць прадпрымальніцкую дзейнасьць;
уваходзіць у склад кіраўнічага органу ці назіральнай рады камэрцыйнай арганізацыі.

Урад Рэспублікі Казахстан ва ўсёй сваёй дзейнасьці адказны перад прэзыдэнтам рэспублікі згодна з канстытуцыяй і іншым законам.

Крыніцы

^ Конституционный закон Республики Казахстан от 18 декабря 1995 г. N 2688

Вонкавыя спасылкі

Урад Казахстану — сховішча мультымэдыйных матэрыялаў

[1] Конституционный закон Республики Казахстан от 18 декабря 1995 г. N 2688

[1]