Уліковы нумар плацежніка

Уліко́вы ну́мар плаце́жніка (Уліковы нумар плацельшчыка), УНП — адзіны ўнікальны нумар фізычнай ці юрыдычнай асобы пры аплаце падаткаў, збораў (у тым ліку мытных), мытаў^[1]. Надаецца кожнаму плацежніку пры пастаноўцы на ўлік у падатковым органе ў Беларусі.

Зьвесткі пра фізычную ці юрыдычную асобу пры наданьні УНП захоўваюцца ў Дзяржаўным рэестры плацежнікаў Міністэрства па падатках і зборах Рэспублікі Беларусі. УНП юрыдычнай асобы захоўваецца за ёй да сканчэньня дзейнасьці, ліквідацыі або рэарганізацыі. УНП фізычнай асобы захоўваецца за ёю да канца жыцьця.

Адпаведнікам УНП у краінах Эўропы ёсьць ідэнтыфікацыйны нумар ПДВ(en), у Расеі — ідэнтыфікацыйны нумар падаткаплацежніка(ru).

Структура УНП

УНП фармуецца як лічбавы (для арганізацыяў) ці літарна-лічбавы (для фізычных асобаў) код, складаецца з 9 знакаў і мае наступную структуру:

${X_{1}}{X_{2}}{X_{3}}{X_{4}}{X_{5}}{X_{6}}{X_{7}}{X_{8}}{K}$

${X_{1}}$ — лічба ці літара, вызначае рэгіён, дзе зарэгістраваны прадпрымальнік:

Рэгіён	Знак для фізычных асобаў	Знак для юрыдычных асобаў
м. Менск	$A$	$1$
Берасьцейская вобласьць	$B$	$2$
Віцебская вобласьць	$C$	$3$
Гомельская вобласьць	$E$	$4$
Гарадзенская вобласьць	$H$	$5$
Менская вобласьць	$K$	$6$
Магілёўская вобласьць	$M$	$7$

${X_{2}}$ — ${X_{8}}$ — парадкавы нумар плацежніка. Кожны наступны нумар плацежніка ўтвараецца даданьнем адзінкі да папярэдняга прызначанага нумару. ${K}$ — кантрольны лік, які прызначаны для выяўленьня памылак, магчымых пры запісе УНП у дакумэнтах, на тэхнічных носьбітах інфармацыі, пры перадачы інфармацыі па каналах сувязі.

Прыклад

УНП 200988541 — юрыдычная асоба зь Берасьцейскай вобласьці.
УНП МА1953684 — фізычная асоба з Магілёўскай вобласьці.

Разьлік УНП

Разьлік кантрольнай лічбы

Кожны знак, які ўваходзіць у структуру УНП (зь першага па восьмы), мае сваю вагу — просты лік. Вага кожнага знаку:

Знак УНП	${X_{1}}$	${X_{2}}$	${X_{3}}$	${X_{4}}$	${X_{5}}$	${X_{6}}$	${X_{7}}$	${X_{8}}$
Вага знаку	29	23	19	17	13	7	5	3

Кожны знак памнажаецца на сваю вагу, вынікі сумуюцца разам:

$S=29*{X_{1}}+23*{X_{2}}+19*{X_{3}}+17*{X_{4}}+13*{X_{5}}+7*{X_{6}}+5*{X_{1}}+3*{X_{8}}=\sum _{i=1}^{8}{X_{i}}*\omega _{i}$

Кантрольная лічба ${K}$ зьяўляецца астачай ад дзяленьня атрыманай сумы на 11:

$K=S\mod 11$

Калі вынік роўны 10, то дадзены УНП не выкарыстоўваецца; парадкавы нумар плацежніка павялічваецца на адзінку да тае пары, пакуль вынік ня стане меншы за 10. Вынік выкарыстоўваецца ў якасьці кантрольнай лічбы.

Разьлік УНП для фізічных асоб

Для літарных знакаў фізычных асобаў выкарыстоўваюцца наступныя лічбавыя адпаведнікі:

$A=10;B=11;C=12;E=14;H=17;K=20;M=22$

Пасьля вызначэньня кантрольнай лічбы лічбавае значэньне другога знаку замяняецца літарай лацінскага альфабэту ў наступнай адпаведнасьці:

$0\rightarrow A;1\rightarrow B;2\rightarrow C;3\rightarrow E;4\rightarrow H;5\rightarrow K;6\rightarrow M;7\rightarrow O;8\rightarrow P;9\rightarrow T.$

Глядзіце таксама

Падатковы кодэкс Рэспублікі Беларусь

Крыніцы

^ Пастанова Міністэрства па падатках і зборах Рэспублікі Беларусі №96 «Аб пастаноўцы і зьняцьці з уліку ў падатковых органах» (рас.). Нацыянальны прававы Інтэрнэт-партал Рэспублікі Беларусі (31 сьнежня 2010). Праверана 9 ліпеня 2020 г.

Вонкавыя спасылкі

Дзяржаўны рэестар плацежнікаў — фізычных асобаў (рас.)

[1] Пастанова Міністэрства па падатках і зборах Рэспублікі Беларусі №96 «Аб пастаноўцы і зьняцьці з уліку ў падатковых органах» (рас.). Нацыянальны прававы Інтэрнэт-партал Рэспублікі Беларусі (31 сьнежня 2010). Праверана 9 ліпеня 2020 г.

[1]