Узі Вайль

Узі Вайль (па-габрэйску: עוזי וייל‎, 29 траўня 1964, Газіт, Ізраіль) — жыдоўскі празаік, кінасцэнарыст і перакладчык.

Узі Вайль
Асабістыя зьвесткі
Нарадзіўся	29 траўня 1964(1964-05-29) (60 гадоў) або 1964 Газіт[d], абласная рада даліны Ізрээлю[d], Ізрээль[d], Паўночная акруга, Ізраіль
Літаратурная дзейнасьць
Род дзейнасьці	пісьменьнік
Мова	іўрыт
Узнагароды	Israeli Television Academy Awards[d]

Нарадзіўся ў кібуцы Газіце, але гадаваўся ў Тэль-Авіве, дзе жыве і цяпер. Разам з Этгарам Керэтам пісаў сцэнары для тэлекамэдыі «Камэрны квінтэт». Вёў зьедлівую гумарыстычную калёнку ў гарадзкой газэце “Га-ір”, дзе не шкадаваў нікога: ні цара Салямона, ні прэм’ера Нэтаньягу. Зрабіў першы ў гісторыі Ізраіля краўдфандынг для свайго раману — збор сродкаў быў завершаны пасьпяхова, але ініцыятар быў абвінавачаны ў жабраваньні.

Добра вядомы беларускаму чытачу па публікацыях у газэтах «Наша Ніва» і «Мы яшчэ тут!», у часопісе ARCHE, а таксама па «Начной чытанцы» Радыё Свабода. Апавяданьне Вайля «Чалавек, які скраў Сьцяну Плачу» дало назву першаму зборніку ізраільскай прозы па-беларуску.

Пераклады па-беларуску

• Чалавек, які скраў Сьцяну Плачу — пер. Павал Касьцюкевіч
• Буржуазія задаволена не да канца, Галіяфы, 2018 год, пер. Павал Касьцюкевіч
• Дзеткі — ПрайдзіСвет, пер. Павал Касьцюкевіч
• Перапіхоны ў Зіхроне і разьня ў Хеўроне — ПрайдзіСвет, пер. Павал Касьцюкевіч
• Гэта не «Хамас», гэта Сьмерць, каб яна здохла — Наша Ніва, пер. Павал Касьцюкевіч
• Гадзі Блюменталь — ПрайдзіСвет, пер. Павал Касьцюкевіч

Вонкавыя спасылкі

• Узі Вайль – «тарашкевіцаю»! Belisrael. Народны ізраільска-беларускі сайт