Тэрыто́рыя астраво́ў Кара́лавага мо́ра (Coral Sea Islands Territory) уключае ў сябе групу невялікіх і ў асноўным незаселеных трапічных астравоў і рыфаў у Каралавым моры на паўночным ўсходзе ад Кўінзлэнду ў Аўстраліі. Адзіны заселены востраў — гэта востраў Ўіліс. Насельніцтва нясталае: гэта супрацоўнікі мэтэаралягічнай станцыі, якія працуюць вахтавым мэтадам. Агульная плошча марской акваторыі, займаны астравамі — 780 тыс. км². Плошча сушы — менш за 3 км². Астравы разьмяшчаюцца на ўсход і на поўдзень ад Вялікага бар’ернага рыфа, уключаюць астравы Херальд і Бэкон, рыфы Оспрэй, групу астравоў Ўіліс і пятнаццаць іншых груп рыфаў і астравоў. У 1969 годзе астравы былі абвешчаныя тэрыторыяй Аўстраліі. З 1982 году рыфы Ліхоў і Корынга, а з 1987 году — рыфы Элізабэт і Мідлтан Сэйлар абвешчаны нацыянальнымі запаведнікамі Аўстраліі.
Дадатковыя мультымэдыйныя матэрыялы