Тэатар фон-Краля
Тэатр фон-Краля (па-эстонску: Von Krahli Teater) — тэатар драмы ў Таліне ў Эстоніі.
| Тэатар фон-Краля | |
 | |
| Асноўныя зьвесткі | |
|---|---|
| Заснаваньне | 1992 |
| Сайт | vonkrahl.ee |
Створаны ў 1992 годзе на базе трупы, якую ўзначальвае рэжысэр Пэтэр Ялякас. Першы ў Эстоніі недзяржаўны тэатар, заснаваны пасьля аднаўленьня ў 1991 годзе яе незалежнасьці. Хаця афіцыйнай датай заснаваньня тэатра лічыцца 1992 год, трупа пад кіраўніцтвам Пэтэра Ялякаса ўтварылася раней. Будынак тэатра, дзе апроч спэктакляў таксама праходзяць канцэрты, знаходзіцца ў Старым горадзе Таліна на вуліцы Ратаскэву.
Кіраўнік тэатра — Пэтэр Ялякас (нар. 1961).
З 2003 года пры тэатры дзейнічае Акадэмія фон-Краля (па-эстонску: Von Krahli Akadeemia), якая ладзіць казаньні, гутаркі і сустрэчы з рэжысэрамі і акторамі. У 2007 годзе тэатрам сумесна з Вільяндзіскай Акадэміяй культуры Тартускага ўнівэрсытэта арганізавана акторская школа.
Літаратура
рэдагаваць- Tallinna entsüklopeedia [Encyclopedia of Tallinn]. Volume II (N-Ü) (in Estonian). Eesti Entsüklopeediakirjastuse AS. 2004. p. 337.