Сьцяг эрзян

Нацыянальны сьцяг эрзян (па-эрзянску: Эрзянь раськень коцт, Сьцяг эрзянскага народу) — нацыянальны сьцяг эрзян, народа, што жыве ў Расеі.

Сьцяг эрзян
Сьцяг эрзян
Прапорцыі	1:2
Прыняты	16.04.2006
Аўтар	Валянцін Дзявяткін

Апісаньне сьцяга

Памер сьцяга — у прапорцыі 1:2. Складаецца з трох гарызантальных палас аднолькавай шырыні, верхняя — белага, сярэдняя — чырвонага і ніжняя — чорнага колеру. Ён быў распрацаваны Валянцінам Дзявяткіным і ўхвалены аб’яднаньнем «Масторава» у 1990 годзе. Асноўныя колеры «паўтараюць колеры узораў мужчынскіх і жаночых эрзянскіх нацыянальных касьцюмаў».

Праз гады сьцяг быў зацьверджаны Кангрэсам эрзянскага народа:

«Эрзянскай Кангрэс зацьвярджае ў якасьці сьцяга эрзянскага народу бел-чырвона-чорнае (зьверху ўніз) палотнішча, якое сымбалізуе ў сваіх колерах Свабоду, Жыцьцё і Зямлю эрзянскага народу».

Тлумачэньне колераў сьцяга

Чорны колер — гэта ня толькі колер зямлі, але і колер пулая — насьцегнавай часткі эрзянскай жаночага нацыянальнага касьцюму. Адсюль напрошваецца выснова, што для продкаў эрзян чорны колер — гэта ня колер жалобы, а колер, які сымбалізуе ўрадлівасьць і жаночы пачатак. У больш шырокім значэньні — гэта Масторава (даслоўна Маці-зямля ад па-эрзянску: мастор — зямля, па-эрзянску: ава — маці ). Калі лічыць пры гэтым чырвоны колер крывёю — сымбалем народу эрзян, а белы — сымбалям Інешкіпазу (Вярхоўны Бог), то атрымліваецца наступны сэнсавы шэраг: «Інешкіпаз-Эрзя-Масторава».

Акрамя асноўнай трактоўкі значэньняў колераў абгрунтаваным будзе лічыць таксама наступную трактоўку: Масторава (чорны колер), дае апору і жыцьцё эрзе (чырвоны колер), які жыве і працуе на ёй, над імі Інешкіпаз (белы колер), які абараняе іх і апякуецца ім.