Сьлед матылька

«Сьлед матылька. Освальд у Менску» — кніга Аляксандра Лукашука пра пэрыяд жыцьця Лі Освальда ў Менску. Выдадзеная ў 2011 годзе.

Сьлед матылька. Освальд у Менску
Вокладка выданьня 2011 году
Аўтар:	Аляксандар Лукашук
Мова арыгіналу:	беларуская
Публікацыя:	2011
Электронная вэрсія

Сюжэт

Гэта дакумэнтальнае падарожжа ў Менск 1960-х, дзе жыве дзіўны амэрыканец-перабежчык, за якім дзень і ноч сочыць вока і вуха дзяржбясьпекі. Неўзабаве ён адляціць на радзіму і наробіць там такіх дзялоў, што дагэтуль яго менская справа застаецца засакрэчанай. Але не для чытачоў гэтай кнігі. У 1952 годзе, калі герою гэтай кнігі Лі Освальду было 13 гадоў і падлеткі зачытваліся фантастыкай, амэрыканскі пісьменьнік Рэй Брэдбэры апублікаваў самае вядомае сваё апавяданьне «І грымнуў гром»…

Узнагароды

У 2017 годзе Аляксандар Лукашук за стварэньне кніжнай сэрыі «Бібліятэка Свабоды», а таксама за выданьне кніг «Прыгоды АРА ў Беларусі» і «Сьлед матылька. Освальд у Менску» атрымаў прэмію Алеся Адамовіча.

Вонкавыя спасылкі

• Сьлед матылька. Освальд у Менску на Беларускай Палічцы