Струміца (гандбольны клюб)

ГК «Макс Стру́міца» (па-македонску: РК Макс Струмица‎) — македонскі гандбольны клюб са Струміцы. Удзельнічае ў нацыянальным чэмпіянаце.

ГК «Макс Струміца»
Поўная назва	RK Maks Strumica
Кароткая назва	Струміца
Заснаваны	1954
Месцазнаходжаньне	Струміца, Паўночная Македонія
Арэна	Спартовая заля «Park» Зьмяшчальнасьць: 4000
Галоўны трэнэр	Мар’ян Андонаў
Чэмпіянат	VIP Супэрліга
2014—2015	2-е
Хатняя Выязная
Спасылкі
Афіцыйная бачына
(абнаўленьне: 12 верасьня 2015)

Мінуўшчына

Клюб быў створаны ў 1954 року. Выступаў у чэмпіянаце і кубку Македоніі, але ў 1976 року надоўга замацаваўся ў Другой лізе. У 1991 трапіў у Першую македонскую лігу, адкуль ізноў вылецеў у 1993.

У 3-м тысячагодзьдзі клюб займеў новага спонсара, пасьля чаго клюб у 2002 року выйшаў у найвышэйшую македонскую лігу. Аднак спонсар спыніў падтрымку «Струміцы», пасьля чаго клюб адразу ж вярнуўся ў другі дывізіён. Да 2011 року клюб балянсаваў на грані выжываньня. Толькі ініцыятыўнасьць спонсара — «Зоми Мак М» — не дазволіла яму зьнікнуць.

У найвышэйшым дывізіёне выступаюць з 2012 року. У першым жа сэзоне «Зомімак М» заняў у рэгулярным чэмпіянаце 1-е месца і трапіў у плэй-оф, па выніках якога фінішаваў трэцім. Акрамя таго, клюб стаў срэбным прызэрам Кубка Македоніі.

З 2015 року генэральным спонсарам стала кампанія «Макс», з-за чаго клюб зьмяніў назву на «Макс Струміца».

Вонкавыя спасылкі

• Афіцыйная бачына  (макед.)
• ГК «Струміца» у Facebook