Габрыель Нарутовіч: розьніца паміж вэрсіямі

▲'''Габрыэль Нарутовіч''' ({{lang-pl|Gabriel Narutowicz}}; [[17 сакавіка]] [[1865]], [[Цяльшы]], [[Ковенская губэрня]], цяпер [[Летува]] — [[16 сьнежня]] [[1922]], [[Варшава]]) — першы прэзыдэнт [[Польская Рэспубліка (1918—1939)|Польскай Рэспублікі]], займаў пасаду ўсяго 5 дзён, з 11 сьнежня (абраны 9) па [[16 сьнежня]] [[1922]].

▲Прафэсар Тэхналягічнага інстытуту ў [[Цюрых]]у, гідраінжынэр. Родны брат Нарутовіча, [[Станісловас Нарутавічус]], зрабіў кар'еру як летувіскі палітык і ўдзельнічаў у абвяшчэньні незалежнай Летувы ў [[1918]]. Габрыэль Нарутовіч прысутнічаў у польскай палітыцы з [[1919]] як беспартыйны дэпутат; быў міністрам грамадзкіх прац, потым замежных спраў. Абраны на пост прэзыдэнта рэспублікі Соймам, пасьля чаго яму перадаў уладу «Начальнік дзяржавы» [[Юзэф Пілсудзкі]].

▲[[16 сьнежня]] новаабраны прэзыдэнт быў застрэлены на мастацкай выставе ў Варшаве экстрэмістам [[Элігіюш Невядомскі|Элігіюшам Невядомскім]] — крытыкам-мадэрністам і мастаком, які прытрымліваўся скрайне правых поглядаў. Той помсьціў Нарутовічу за тое, што яго абраньне было падтрымана левымі і Блёкам нацыянальных меншасьцяў. Кампанія цкаваньня была разгорнутая нацыяналістамі адразу пасьля абраньня Нарутовіча. Нацыяналісты абвясцілі яго «прэзідэнтам габрэяў», які «ня ведае польскай мовы» і г. д.