Пакроў: розьніца паміж вэрсіямі

У народнай традыцыі Пакровы адзначаюцца і як сьвята заканчэньня палявых работ. Гэты дзень лічыцца пераломным момантам у жыцьці прыроды. Да гэтага часу звычайна завяршаліся ўсе работы на полі і ў садзе, уцяпляліся жыльлё і гаспадарчыя пабудовы; пачынаўся новы цыкль работ - нарыхтоўка паліва, перавод жывёлы на стойлавае ўтрыманьне ("Прыйшлі пакровы, ці да зімізімы гатовы"). Пасьля Пакроваў пачыналася пара вясельляў ("Пакровы пакрываюць траву лістам, зямлю сьнегам, ваду лёдам, а дзяўчат шлюбным чэпкам"). Вечарам перад Пакровам дзяўчаты варажылі пра замужжа: стаялі з блінам на скрыжаваньнях і слухалі, у якім баку брэша сабака (туды, маўляў, пойдуць замуж); елі на ноч салёную аладку (спадзяваліся, што суджаны паднясе вады) і інш. З Пакроваў пачыналіся попрадкі (вячоркі, супрадкі), якія працягваліся да [[Вялікдзень|Вялікадня]].