Гарынь: розьніца паміж вэрсіямі

'''Гары́нь''' — рака ўва [[Украіна|Ўкраіне]] й [[Берасьцейская вобласьць|Берасьцейскай вобласьці]] [[Беларусь|Беларусі]], правая прытока [[Прыпяць|Прыпяці]] (басэйн [[Дняпро|Дняпра]]). Даўжыня 659 км (у межах Беларусі 82 км). Плошча вадазбору 27,7 тыс. км² (на тэрыторыі Беларусі 1,2 тыс. км²). Сярэдні нахіл воднай паверхні 0,33 ‰ (у Беларусі 0,1 ‰). [[год|Сярэднярочны]] расход вады ў вусьці 110 м³/с. Агульная падзеньне ракі 218 м.

*'''Праваруч''': [[Случ]], [[Жырак]], [[Полква]], [[Цьвітоха]], [[Зульня]].

*'''Леваруч''': [[Стубла]], [[Вілія (басэйн Дняпра)|Вілія]], [[Беражанка]], [[Сыран]], [[Вусьця]].

*'''[[горад|Месты']]'': [[Столін]], [[Давыд-Гарадок]], [[Ізяляў]], [[Славута]], [[Няцешын]], [[Астрог]], [[Дубровіца]].

*'''[[гарадзкі пасёлак|Мястэчкі']]'': [[Гошча]], [[Рэчыца (мястэчка)|Рэчыца]], [[Стэпань]], [[Оржаў]].

Пачынаецца з крыніцы, што выходзіць на паверхню каля вёскі Воліца [[Тэрнопальская вобласьць|Тэрнопальскай вобласьці]] Ўкраіны на вышыні 345 м па-над узроўнем мора. У Беларусі цячэ праз [[Столінскі раён]]. Упадае ў Прыпяць 2 рукавамі (левы называецца [[Вятліца]]) у слаба асвоенай і незаселенай мясцовасьці. Тэрыторыя вадазбору мае няправільную грушападобную форму, яго даўжыня 300 км, сярэдняя шырыня 92 км, найвялікшая шырыня ў сярэдняй частцы 200 км, у ніжняй -— рэзка зьмяншаецца да 10 км.

Басэйн ракі Гарынь мяжуе на захадзе з басэйнамі рэчак [[Іква]], [[Стыр]] і [[Стубла]] на ўсходзе з басэйнамі рэчак [[Убарць]] і [[Сцьвіга]], на поўдні -— з басэйнам ракі [[Днестар]].

Верхняя частка басэйну да ўпадзеньня ракі [[Вусьця]] разьмешчаная на [[Валынска-Падольскае ўзвышша|Валынска-Падольскім ўзвышшы]] і ўяўляе плато з адзнакамі 385,5 -— 215 м, моцна падзеленае далінамі рэчак і бэляк (шчыльнасьць ярава-бэлькавай сеткі складае 1 -— 1,25 км на 1 км² паверхні).

Рака ў высокай плыні выкарыстоўваецца, як крыніца гідраэнэргіі ды для разьвядзеньня рыбы. Ад места [[Давыд-Гарадок]] да вусьця рака суднаходная на працягу 291 км. Значная частка басэйну разараная (звыш 60%). Заплыўныя лугі часткова разараныя, акультураныя або знаходзяцца пад выпасамі, што вядзе да іх дэградацыі, а таксама змыву пры паводках у рэчышча значных дамешкаў -— арганічных, бактэрыяльных і цьвёрдага сьцёку.