[[Файл:Republic of Artsakh map.png|міні|250пкс|Мапа Нагорна-Карабаскай Рэспублікі]]
'''Нагорна-Карабаская Рэспубліка''' ({{мова-hy|Lernayin Gharabaghi Hanrapetut’yun}} — Լեռնային Ղարաբաղ Հանրապետություն) — [[Сьпіс непрызнаных краінаў|непрызнаная дзяржава]], абвешчаная ў межах [[Нагорна-Карабаская аўтаномная вобласьць|Нагорна-Карабаскай аўтаномнай вобласьці]] і [[Шаўмянскі раён|Шаўмянскага раёну]] [[Азэрбайджанская Савецкая Сацыялістычная Рэспубліка|Азэрбайджанскай ССР]]. Знаходзіцца за 270 км на захад ад [[Баку]] і займае ўсходнія і паўднёва-ўсходнія раёны Малога [[Каўказ]]у. У наш час кантроль над тэрыторыяй знаходзіцца ў мясцовых армянаў, якія атрымліваюць дапамогу ад [[Армэнія|Армэніі]]. Паводле шэрагу рэзалюцыяў [[Рада Бясьпекі ААН|Рады Бясьпекі ААН]] лічыцца часткай тэрыторыі [[Азэрбайджан]]у, акупаванай Армэніяй<ref name="res822">[http://www.un.org/russian/documen/scresol/res1993/res822.htm Рэзалюцыя Рады Бясьпекі ААН № 822 ад 30 красавіка 1993 году]</ref><ref name="res853">[http://www.un.org/russian/documen/scresol/res1993/res853.htm Рэзалюцыя Рады Бясьпекі ААН № 853 ад 29 ліпеня 1993 году]</ref><ref name="res874">[http://www.un.org/russian/documen/scresol/res1993/res874.htm Рэзалюцыя Рады Бясьпекі ААН № 874 ад 14 кастрычніка 1993 году]</ref><ref name="res884">[http://www.un.org/russian/documen/scresol/res1993/res884.htm Рэзалюцыя Рады Бясьпекі ААН № 884 ад 12 лістапада 1993 году]</ref>.
Нагорны Карабах займае плошчу 4500 км² (але фактычна пад кантролем армянаў знаходзіцца 14 000 км²), у 1990 годзе насельніцтва складала 200 тыс. чалавек, 76% складалі [[армяне]], 23% [[азэрбайджанцы]], астатнія [[расейцы]] і [[курды]]. Сталіцай тэрыторыі зьяўляецца [[Сьцяпанакерт]] ({{мова-az|Xankəndi}}). 10 сьнежня 1991 году армянскае насельніцтва тэрыторыі абвясьціла незалежнасьць ад Азэрбайджану і аб стварэньні Нагорна-Карабаскай Рэспублікі. Незалежнасьць гэтай рэспублікі не прызнана ніводнай краінай сьвету.
== Геаграфія ==
Агульная плошча рэгіёну ([[Нагорна-Карабаская вобласьць|Нагорна-Карабаскай вобласьці]] ў [[Азэрбайджан|АзССР]]) складае 4400 км². Сталіца Сьцяпанакерт разьмешчана ў цэнтры рэгіёну. Гістарычны цэнтар [[Шуша]] ({{мова-az|Şuşa}}), былая сталіца [[Карабаскае ханства|Карабаскага ханства]], знаходзіцца за 10 км на поўдзень ад Сьцяпанакерту, на дарозе, якая злучае Нагорны Карабах з [[Армэнія]]й. [[Мардакерт]] — адміністратыўны цэнтар паўночнага Карабаху, [[Гадрут]] — паўднёвага Карабаху, [[Мартуні]] — усходняга Карабаху. [[Аскеран]] разьмешчаны на паўночным усходзе ад Сьцяпанакерту.
