Сьвятлана Навумава: розьніца паміж вэрсіямі

'''Сьвятлана Андрэеўна Навумава''' (29 лютага 1956, [[Коўна]] — 10 сакавіка 2011, [[Менск]]<ref>Гарбацкі Уладзіслаў, ''Беларусь згубіла паліталягіню'', ARCHE, 01-02 (100-101) 2011, с. 274—276.</ref>) — вядомая беларуская навукоўца ў галіне [[паліталёгія|паліталёгіі]] і паліттэхналёгіяў.

З 2001 па 2004 год была кіраўніцай катэдры палітычных і сацыяльных навук у [[Эўрапейскі гуманітарны ўнівэрсытэт|ЭГУ]], а пасьля закрыцьця ЭГУ ў Менску брала актыўны ўдзел у барацьбе за аднаўленьне ўнівэрсытэту ў выгнаньні. У новым ЭГУ працавала прафэсаркай на факультэце філязофіі і палітычных навук з 2005 па 2009 гггод. Была судырэктаркай рэгіянальнага цэнтру найноўшых досьледаў і адукацыіі і сурэдактаркай навуковага часопісу «Перекрестки. Журнал исследований Восточно-европейского пограничья». За час сваёй працы ў ЭГУ падрыхтавала некалькі дзясяткаў магістраў палітычных навук, многія з кіраўнікоў беларускіх НДА атрымалі падрыхтоўку ў магістарскіх праграмах пад кіраўніцтвам С. А. Навумавай. У ЭГУ чытала курсы «Уводзіны ў палітычную навуку», «Уводзіны ў паліталёгію», «Асновы палітычнай тэорыі», «Сучасныя тэорыі грамадзянскай супольнасьці», «Беларусь як палітычны праект».