Нарадзілася ў сям’і чыгуначніка. Скончыла ў [[Менск]]у польскую школу ды [[Польскі пэдтэхнікум імя [[BronisławBronisława Wesołowski|https://pl.wikipedia.org/wiki/Bronis%C5%82aw_Weso%C5%82owski]]Wesołowskiego]] (1929) і [[Беларускі вышэйшы пэдінстытут]] (1934). Была сябрам польскай сэкцыі [[Беларуская асацыяцыя пралетарскіх пісьменьнікаў|БелАПП]] (з 1929). Працавала настаўніцай у польскіх школах [[Койданаў|Койданава]], потым у беларускай школе ў [[Менск]]у. Адначасова працавала разам з У. Кавальскім на [[Беларускае радыё|Беларускім радыё]] (1932—1937), дзе двойчы на тыдзень вяліся польскія перадачы, а таксама ў менскай газэце «[[Оrkа]]». У пасьляваенныя гады працавала настаўніцай у менскіх школах. Удзельнічала ў працы 1-га зьезду польскіх пралетарскіх пісьменьнікаў у Менску (1931), як дэлегат ад польскай сэкцыі ССП БССР — у рабоце 1-га Усесаюзнага зьезду савецкіх пісьменьнікаў (1934). Тады ж была запрошана да [[Надзея Крупская|Н. К. Крупскай]] і ўручыла ёй свае кнігі. Літаратурная дзейнасьць Раманоўскай была спыненая ў сувязі з арыштам яе мужа — беларускага паэта [[Станіслаў Пятровіч Шушкевіч|С. Шушкевіча]]. Пахавана на Паўночных могілках Менску.
