Лявон Савёнак: розьніца паміж вэрсіямі

'''Лявон Савёнак''' (пс. ''Лявон Крывічанін'', ''Леанід Свэн''; [[26 чэрвеня]] [[1897]], в. [[Вялец (Віцебская вобласьць)|Вялец]], цяпер [[Глыбоцкі раён]] — [[21 лютага]] [[1974]], [[Памона]], штат [[Нью-Джэрзі]], [[ЗША]]) — беларускі літаратар.

У [[1922]] годзе Лявон ажаніўся ў [[Менск]]у з настаўніцай Апалёніяй Радкевіч. У [[1922]] годзе нарадзіўся сын Лёдзік. У [[1927]] годзе — дачка — вядомая беларуская сьвету дасьледніца [[Зора Кіпель]].

Працаваў у газэце «[[Савецкая Беларусь]]». У лютым [[1929]] году вымушаны сысьці з працы і працаваць на будоўлях. У той самы год выдаў збор фэльетонаў «Чароўная іголка». У бібліятэках напачатку каталягізавалі тую кнігу як пераклад швэдзкага аўтара. Але аўтарства хутка высьветлілі і 3000 накладу было зьнішчана.

Зь ліпеня [[1932]] году — стыльрэдактар навукова-тэхнічнага выдавецтва.

У [[1933]] годзе Савёнак арыштаваны па справе «[[Беларускі Нацынальны Цэнтар|Беларускага нацыянальнага цэнтру]]». Сваёй віны ня прызнаў і атрымаў 5 гадоў вязьніцы. Тэрмін адбываў спачатку ў Паўднёвай [[Сыбір]]ы, а потым у [[Алтайскі край|Алтайскім краі]].

Па вызваленьні, у [[1939]] годзе вярнуўся на [[Беларусь]]. Ня меў дазволу жыць у [[Менск]]у. Працаваў настаўнікам у ваколіцах [[Крычаў|Крычава]] і Менску.

З прыходам фашыстаў летам [[1941]] году — інтэрнаваны, разам зь іншымі мужчынамі Менску. Некалькі тыдняў адседзяў на Камароўскіх балотах пад Менскам. Потым працаваў журналістам у «[[Беларуская газэта (1941)|Беларускай газэце]]».

Пераехаў ў [[ЗША]] ў [[1950]] годзе. Працягваў займацца грамадзкай дзейнасьцю беларускай эміграцыі, рэдагаваў газэту «[[Беларус (газэта)|Беларус]]», уваходзіў у камісію для перакладу на беларускую мову [[Біблія|Бібліі]].