Безьдзеж: розьніца паміж вэрсіямі

'''Бе́зьдзеж'''<ref>{{Літаратура/Назвы населеных пунктаў Рэспублікі Беларусь/Берасьцейская вобласьць}} С. 114.</ref> — [[аграгарадок|вёска]] ў [[Беларусь|Беларусі]], каля [[Спораўскае возера|Спораўскага возера]]. Цэнтар [[Безьдзескі сельсавет|сельсавету]] [[Драгічынскі раён|Драгічынскага раёну]] [[Берасьцейская вобласьць|Берасьцейскай вобласьці]]. Насельніцтва на 2010 год — 1058 чалавек.
Знаходзіцца за 20 км на паўночны ўсход ад [[Драгічын]]а, за 130 км ад [[Берасьце|Берасьця]], за 27 км ад чыгуначнай станцыі Драгічын (лінія Берасьце — Гомель). Насельніцтва на 2010 год — 1058 чалавек.

Безьдзеж — даўняе [[мястэчка]] [[Пінскі павет|гістарычнай Піншчыны]] (частка [[Берасьцейскае ваяводзтва|Берасьцейшчыны]]), на захадзе [[Палесьсе|Палесься]]. Да нашага часу тут захаваліся [[барока|барокавая]] [[Царква Сьвятой Тройцы (Безьдзеж)|царква Сьвятой Тройцы]], ў стылі [[Клясыцызм|клясыцыстычныбарока]], [[Касьцёл Найсьвяцейшай Тройцы (Безьдзеж)|касьцёл Найсьвяцейшай Тройцы]] ў стылі [[клясыцызм]]у і мэмарыяльная калёна ў гонар [[Канстытуцыя 3 траўня|Канстытуцыі 3 траўня]], помнікі гісторыі і архітэктуры XVII—XIX стагодзьдзяў.

Пад 1662 годам упамінаецца царква ў Безьдзежы. Да 1744 году ўтварылася рымска-каталіцкая парафія, якая ў 1781 годзе налічвала 510 вернікаў. 8 верасьня 1771 годзе прыхільнікі [[Барская канфэдэрацыя|Барскай канфэдэрацыі]] пад камандаю [[Гетман вялікі літоўскі|гетмана вялікага]] [[Міхал Казімер Агінскі|Міхала Казімера Агінскага]] у бітве пад Безьдзежам<ref>Sulimierski F. Bezdzież // {{Літаратура/Геаграфічны слоўнік Каралеўства Польскага|11к}} S. [http://dir.icm.edu.pl/pl/Slownik_geograficzny/Tom_I/163 163]</ref> прымусілі расейскі аддзел скласьці зброю. У 1784 годзе ў мястэчку збудавалі царкву Сьвятой Тройцы.

У выніку [[трэці падзел Рэчы Паспалітай|трэцяга падзелу Рэчы Паспалітай]] (1795 год) Безьдзеж апынуўся ў складзе [[Расейская імпэрыя|Расейскай імпэрыі]], дзе стаў цэнтрам воласьці ў Кобрынскім павеце, [[Слонімская губэрня|Слонімскай губэрні]] (з 1797 году ў [[Літоўская губэрня|Літоўскай]], з 1801 году ў [[Гарадзенская губэрня|Гарадзенскай губэрні]]). Пад 1806 годам значыцца як [[места]], якое было цэнтрам ключа. У 1818—1820 гадох у Безьдзежы вялося будаваньне касьцёла Найсьвяцейшай Тройцы. У 1825 годзе ў мястэчку адкрылася школа, якая знаходзілася ў юрысдыкцыі [[Віленскі ўнівэрсытэт|Віленскага ўнівэрсытэту]]. Паводле рэвізіі 1857 году, Безьдзеж быў цэнтрам сельскай грамады. На 1886 год у мястэчку быў 121 двор, дзейнічалі 2 царквы, працавалі школа, заезны двор, 2 крамы.

25 сакавіка 1918 году згодна з [[Трэцяя Ўстаўная грамата|Трэцяй Устаўной граматай]] Безьдзеж абвяшчаўся часткай [[Беларуская Народная Рэспубліка|Беларускай Народнай Рэспублікі]]. 1 студзеня 1919 году ў адпаведнасьці з пастановай І зьезду КП(б) Беларусі ён увайшоў у склад [[БССР|Беларускай ССР]], у Пінскі павет («падраён») Баранавіцкага раёну<ref name="at">{{Літаратура/150 пытаньняў і адказаў з гісторыі Беларусі}}</ref>. Паводле [[Рыская мірная дамова 1921 году|Рыскай мірнай дамовы]] (1921) году]] Безьдзеж апынуўся ў складзе міжваеннай [[Польская Рэспубліка (1918—1939)|Польскай Рэспублікі]], дзе стаў цэнтрам гміны Драгічынскага павету [[Палескае ваяводзтва|Палескага ваяводзтва]]. У гэты час у мястэчку было 254 двары. У 1930-я гады працавалі паштовая агенцыя, прадпрыемства вырабу мэталу.

{{Крыніцы|1=2}}