Віктар Януковіч: розьніца паміж вэрсіямі

Нарадзіўся ў горадзе [[Янакіева]] [[Данецкая вобласьць|Данецкай вобласьці]]. Бацька Віктара быў машыністам паравоза, а маці — [[мэдсястра]] — памерла, калі Віктару не было і двух гадоў. Род Януковічаў паходзіць зь сяла [[Янукі]] [[Докшыцкі раён|Докшыцкага раёну]] [[Віцебская вобласьць|Віцебскай вобласьці]]. Тут жыў дзед Віктара Ўладзімер, які пад час [[Першая сусьветная вайна|Першай сусьветнай вайны]] накіраваўся ў [[Данбас]] на заробкі. Бацька Віктара нарадзіўся ўжо на Данеччыне. Януковіч рос сіратой. У сваёй біяграфіі ён не прыхоўвае, што ў 1968 годзе быў асуджаны і накіраваны ў калёнію для непаўнагадовых. У 1969 годзе пачаў працаваць рабочым у газавым цэху [[Янакіеўскі мэталюргічны завод|Янакіеўскага мэталюргічнага заводу]]. У 1970 г. быў зноў асуджаны. У 1972 г. пачаў працаваць электрыкам аўтабазы ВА «Арджанікідзэвугаль». У 1973 г. завочна закончыў Янакіеўскі горны тэхнікум.