Амэрыканская рэвалюцыя: розьніца паміж вэрсіямі

'''Амэрыканская рэвалюцыя''' — значная падзея другой паловы [[18 стагодзьдзе|XVIII стагодзьдзя]], падчас якой [[Трынаццаць калёніяў]] [[Паўночная Амэрыка|Паўночнай Амэрыкі]] аб’ядналіся разам дзеля барацьбы за незалежнасьць ад [[Брытанская імпэрыя|Брытанскай мэтраполіі]]. У выніку [[Рэвалюцыя|рэвалюцыі]] была ўтвораная дзяржава [[Злучаныя Штаты Амэрыкі|Злучаных Штатаў Амэрыкі]]. Перш за ўсё калёніі зацьвердзілі, што [[Парлямэнт Вялікабрытаніі]] больш не кіруе тэрыторыямі, падкантрольнымі калёніям. Да [[1774]] году ў кожнай калёніі былі ўтвораныя [[Правінцыйны кангрэс|Правінцыйныя кангрэсы]] ці іншыя ўстановы, якія мелі ўладу ў калёніі, што абавязкова для існаваньня [[дзяржава|дзяржавы]]. На [[Другі Кантынэнтальны кангрэс|Другім Кантынэнтальным кангрэсе]] калёніямі было вырашана аб’яднацца, каб абараніць сваё права [[самакіраваньне|самакіраваньня]], а таксама, каб весьці ўзброены супраціў з Брытанскай імпэрыяй, вядомы як [[Вайна за незалежнасьць ЗША]] (1775-83). У ліпені [[1776]] году была падпісаная [[Дэклярацыя незалежнасьці ЗША]], якая зацьвярджала сувэрэнітэт калёніяў. Вайна скончылася ў кастрычніку [[1781]] году, а ў [[1783]] годзе [[Парыскае мірнае пагадненьне (1783)|Мірным пагадненьнем у Вэрсале і Парыжы]] была атрыманая фармальная адмова Брытанскай імпэрыі ад прэтэнзіяў на тэрыторыі ЗША.