'''Высло́ўе''' — ляканічны, трапны і дасьціпны ўстойлівы народны выраз, часта гумарыстычнага характару, што ўжываецца ў розных выпадках на працы і ў час адпачынку. У адрозьненьне ад [[прыказка|прыказак]], яны не валодаюць завершанасьцю выказваньня i афарыстычнасьцю. Да выслоўяў адносяцца [[жарт]]ы i [[калямбур]]ы, [[тост]]ы, вясельныя прыгаворкі, прысяганьні, кленічы, дражнілкі, вітаньні, зычэньні (Хлеб на стале, рукi свае; Чарачка-каток, каціся ў раток; Зьеш акрайчык, каб быў сын Мікалайчык). Да выслоўяў адносяць таксама ўстойлівыя [[параўнаньне|параўнаньні]] (Жыву як гарох пры дарозе: хто ідзе, той ушчыкне; Зямлі як бабе сесьці; Маладзіца як брусьніца).
