'''Малы́ Леў''' ({{lang-la|Leo Minor, LMi}}) — невялікае і цьмянае [[сузор’е]] ў паўночнай частцы зорнага неба. Яно месьціцца паміж [[Вялікая Мядзьведзіха|Вялікай Мядзьведзіхай]] на поўначы і [[Леў (сузор’е)|Львом]] на поўдні. Малы Леў не зьяўляецца старажытным сузор’ем і быў прапанаваны [[Ян Гэвэліюс|Янам Гэвэліем]] у 1687 годзе.{{зноска|Ridpath & Tirion|2001|Ridpath & Tirion|старонкі=168—169}}
У сузор’і знаходзіцца 37 зорак, большых за [[бачная зорная велічыня|зорную велічыню]] 6,5; тры зь іх яркія больш як за 4,5. [[46 Малога Льва]] — аранжавы [[зорка-гігант|гігант]] з зорнай велічынёй 3,8 за {{сьветлавы год|95}} ад Зямлі. Другая найярчэйшая зорка — [[Бэта Малога Льва|β Малога Льва]] — мае зорную велічыню 4,4; гэта таксама адзіная зорка ў Малым Льве, якая мае [[Абазначэньні Баера|абазначэньне Баера]]. Бэта Малога Льва ёсьць [[падвойная зорка|падвойнай зоркай]], ярчэйшы кампанэнт якой зьяўляецца аранжавым гігантам, а цямнейшы — жоўта-белай зоркай [[галоўная пасьлядоўнасьць|галоўнай пасьлядоўнасьці]]. Трэцяй паводле яскравасьці зоркай зьяўляецца [[21 Малога Льва]] — [[Зорка тыпу A галоўнай пасьлядоўнасьці|белая зорка галоўнай пасьлядоўнасьці]] з хуткім вярчэньнем, якая мае сярэднюю зорную велічыню 4,5. Сузор’е таксама мае дзьве зоркі з [[плянэтная сыстэма|плянэтнымі сыстэмамі]], дзьве пары [[Узаемадзейная галяктыка|ўзаемадзейных галяктык]] і ўнікальны аб’ект глыбокага космасу — [[Аб’ект Ганьні]].
