Рэзыдэнцыя букавінскіх мітрапалітаў
Рэзыдэнцыя праваслаўных мітрапалітаў Букавіны і Далмацыі — архітэктурная славутасьць места Чарнаўцы, Украіна.
| Рэзыдэнцыя букавінскіх і далматынскіх мітрапалітаў | |
|---|---|
| Residence of Bukovinian and Dalmatian Metropolitans* | |
| Сусьветная спадчына ЮНЭСКО | |
| |
| Рэзыдэнцыя мітрапалітаў Букавіны і Далмацыі ў 1899 годзе | |
| Краіна | Украіна |
| Тып | культурны |
| Крытэры | ii, iii, iv |
| Спасылка | 1330 |
| Рэгіён** | Эўропа і Паўночная Амэрыка |
| Гісторыя ўключэньня | |
| Уключэньне | 2011 (35-я сэсія) |
| * Назва ў афіцыйным сьпісе па-ангельску ** Рэгіён паводле клясыфікацыі ЮНЭСКО | |
28 чэрвеня 2011 року на 35-й сэсіі камітэту Сусьветнай спадчыны ЮНЭСКО ўлучаная ў сьпіс Сусьветнай спадчыны[1][2].
Мінуўшчына
рэдагавацьПабудаваная на месцы старога япіскапскага палацу ў 1864—1882 рр. дзякуючы высілкам япіскапа Яўгена Гакмана. У 1863 р. ён дамогся ад аўстрыйскага імпэратара дазволу на ўзьвядзеньне новай прасторнае рэзыдэнцыі, годнай для сталіцы Букавіны.
У цяперашні час тут разьмяшчаюцца цэнтральныя карпусы Чарнавецкага нацыянальнага ўнівэрсытэту імя Юрыя Фядзьковіча.
У 1993 было адноўлена тэалягічнае аддзяленьне ў складзе філязофска-тэалягічнага факультэту Чарнавецкага ўнівэрсытэту, а ў сэмінарскай царкве аднавіліся набажэнствы.
Архітэктура
рэдагавацьПраект архітэктурнага ансамблю выканаў вядомы чэскі архітэктар, акадэмік Ёзэф Глаўка. Ён спраектаваў нетрадыцыйны комплекс пабудоваў у духу эклектыкі зь перавагай элемэнтаў бізантыйскага і раманскага стыляў. Ягоны праект неаднаразова займаў прызавыя месцы на вядомых конкурсах архітэктараў, быў адзначаны на Сусьветнай выстаўцы ў Парыжы.
Кампазыцыя ансамблю досыць складаная, але адзначаецца выразнасьцю плянаваньня. Яна складаецца з трох манумэнтальных будынкаў-карпусоў: галоўнага, духоўнае сэмінарыі разам з царквою Трох Сьвяціцеляў, прэсьбітэрыі.
У корпусе, дзе цяпер знаходзіцца IV корпус унівэрсытэту, разьмяшчаліся дыяканская школа, архідыяцэзальны музэй і фабрыка зьнічак. Пасярэдзіне будынку над галоўным уваходам узвышаецца вежа з гадзіньнікам і купалам, аздобленым па коле зоркамі Давіда. Такім чынам увекавечаная памяць пра фінансавую дапамогу, якую надала букавінскай праваслаўнай мітраполіі жыдоўская грамада места.
