Робін Марк
Ро́бін Марк (па-ангельску: Robin Mark; нар. 1957) — паўночнаірляндзкі хрысьціянскі сьпявак і кампазытар. Сусьветна вядомы такімі сьпевамі, як "Days of Elijah", "Revival", "All for Jesus", "The Wonder of The Cross", "Not by Might" ды іншымі.
Робін Марк | |
| Robin Mark | |
| Дата нараджэньня | 1957 (67 гадоў) |
|---|---|
| Месца нараджэньня | Бэлфаст, Паўночная Ірляндыя, Вялікабрытанія |
| Прафэсія | сьпявак, музыка, аўтар песьняў |
| Гады дзейнасьці | з 1992 |
| Жанры | сучасная хрысьціянская музыка |
| Інструмэнты | сьпеў, фартэпіяна, гітара |
| Сайт | robinmark.com |
Жыцьцяпіс
рэдагавацьПершая аўдыёкасэта з запісам хрысьціянскіх сьпеваў для сваёй царквы (Christian Fellowship Church Strandtown), "Captive Heart", выйшла ў 1992 року і ўжо спарадзіла некалькі гімнаў, якія пачалі выконвацца ня толькі ў Паўночнай Ірляндыі, але і ў сьвеце.
Наступны альбом, "Not by Might", цягам трох гадоў разышоўся накладам 4000 асобнікаў з прычыны адсутнасьці рэклямы; зьвесткі пра яго перадаваліся толькі з вуснаў у вусны. А ў 1995 року на канфэрэнцыі для 50 чалавек Робін Марк нечакана прадставіў свой новы сьпеў „Days of Elijah“ (па-беларуску: Дні Ільлі), які пераменіць ейнае жыцьцё. У сярэдзіне 1990-х альбомы "Not by Might" і „Days of Elijah“ сталі бэстсэлерамі ў Паўночнай Ірляндыі і выйшлі на агульнабрытанскі рынак.
Дагэтуль Робін Марк заставаўся вядомым пераважна ў Вялікабрытаніі і Эўропе. У 1999 року хрысьціянская гукапісная кампанія „Integrity Music(d)“ прапанавала запісаць жывы альбом у Маркавай царкве. У выніку зьявіўся альбом „Revival in Belfast“ (бел. Абуджэньне ў Бэлфасьце), які стаў адным з найлепей прадаваных царкоўных канцэртаў праслаўленьня ўсіх часоў[1]. Ён дасягнуў Паўночнай Амэрыкі, Аўстраліі і рэшты сьвету. Менавіта сьпеў „Days of Elijah“ стаў візытнай карткай(en) альбому.
Наступны альбом, „Come Heal This Land“ (бел. Прыйдзі і ацалі гэтую зямлю), выдадзены ў 2001 року, заняў 1-ы радок Хрысьціянскага раздробавага гіт-параду ў ЗША. Робін Марк стаў першым брытанскім выканаўцам, які дасягнуў гэткага посьпеху[2].
Акрамя сьпеваў, займаецца музычным служэньнем у сваёй царкве, а таксама валодае аўдыёкансультацыйнай кампаніяй „F.R. Mark and Associates“ і чытае лекцыі па акустыцы ў Каралеўскім унівэрсытэце Бэлфасту(en).
Дыскаграфія
рэдагаваць
|
|
|
Сям’я
рэдагавацьЖанаты, з жонкай Жаклін маюць трох дзяцей: Катрыну, Дэйвіда і Джэймза.
Крыніцы
рэдагаваць- ^ Robin Mark Biography 2008 (анг.) Worship Kentucky Праверана 7 лютага 2021 г.
- ^ Ireland's Robin Mark reaches number one in American Christian chart (анг.) Music News › Worship Hit. Cross Rhythms (1 верасьня 2001). Праверана 7 лютага 2021 г.
Вонкавыя спасылкі
рэдагаваць- Афіцыйная бачына
- Жыцьцяпіс (анг.) на бачыне кнігарні „River of Life“
- Робін Марк на SoundCloud