Расанскае Эвангельле
Раса́нскае Эва́нгельле, у клясыфікацыі Грэгары — Алянда — 042 альбо Σ, у клясыфікацыі фон Зодэна — ε 18 — ілюмінаваны рукапіс-эвангеляр VI стагодзьдзя. З-за чырвона-багранага колеру старонак таксама называецца Codex purpureus Rossanensis (бел. Баграны Расанскі кодэкс). Гэта адзін з найстарэйшых захаваных ілюмінаваных рукапісаў Новага Запавету, які цяпер знаходзіцца ў Расанскай катэдры (Італія).
| Расанскае Эвангельле | |
 | |
| поўная назва | Purpureus Rossanensis |
|---|---|
| іншыя назвы |
|
| знак | Σ |
| Катэгорыя | V |
| тып | бізантыйскі тэкст |
| мова напісаньня | грэцкая |
| час напісаньня | VI стагодзьдзе |
| месца выяўленьня | 1879, Расана |
| зьмест | Мацьвей, Марк |
| аб’ём (старонак) | 188 аркушаў; 20 радкоў; 2 слупкі |
| памеры | 31 × 26 см |
| заўвагі | падобны да N (022) |
| знаходзіцца | Расанская катэдра |
| ўэб-спасылка | http://www.codexrossanensis.it/ |
Апісаньне
рэдагавацьКодэкс захаваўся ня цалкам: цяпер у ім знаходзіцца тэкст Дабравесьця паводле Мацьвея і большасьць Дабравесьця паводле Марка — з адной лякунай(en) (Мк. 16:14—20)[1]. Магчыма, існаваў страчаны цяпер другі том кодэксу.
Падобна да Венскага Генэзісу і Сынопскага кодэксу, Расанскае Эвангельле напісанае срэбным атрамантам на барвяным пэргамэнце[2]. Кніга памерам 300 × 250 мм, тэкст пісаны ў два слупкі па 20 радкоў кожны. Ва ўводным блёку разьмешчаныя ілюстрацыі, таксама на барвяным пэргамэнце.
Тэкст
рэдагавацьТэкст кодэкс збольшага адпавядае бізантыйскаму тыпу ў шчыльнай сувязі з Баграным Пэтрапалітанскім кодэксам. Расанскае Эвангельле, як і рукапісы N, O ды Φ, адносіцца да групы барвяных унцыялаў. Алянд зьмясьціў усе рукапісы гэтай групы ў катэгорыю V[3].
Мінуўшчына
рэдагавацьКодэкс быў выяўлены ў 1879 року ў катэдры італьянскай Расаны Оскарам фон Гэбгартам ды Адольфам фон Гарнакам[1]. Інстытут тэкстуальных дасьледаваньняў Новага Запавету датуе яго VI стагодзьдзем[4].
9 кастрычніка 2015 ЮНЭСКО ўнесла Барвяны Расанскі кодэкс у рэестар «Памяць сьвету»[5].
Крыніцы
рэдагаваць- ^ а б Каспар Рэнэ Грэгары Textkritik des Neuen Testaments. — Leipzig: J.C. Hinrichs’sche Buchhandlung, 1900. — Т. 1. — С. 92.
- ^ Metzger, Bruce M., Ehrman, Bart D. The Text of the New Testament: Its Transmission, Corruption and Restoration. — 4 ed.. — New York – Oxford: Oxford University Press, 2005. — С. 84. — ISBN 978-0-19-516122-9
- ^ Aland, Kurt; Aland, Barbara. The Text of the New Testament: An Introduction to the Critical Editions and to the Theory and Practice of Modern Textual Criticism / Erroll F. Rhodes (trans.). — Grand Rapids: William B. Eerdmans Publishing Company, 1995. — С. 118. — ISBN 978-0-8028-4098-1
- ^ Liste Handschriften (анг.). Münster: Institut für Neutestamentliche Textforschung. Праверана 5 лістапада 2017 г.
- ^ Codex Purpureus Rossanensis \ Iter UNESCO (анг.). Diocesan Museum. Праверана 5 лістапада 2017 г.
Літаратура
рэдагаваць- Oscar von Gebhardt, Die Evangelien des Matthaeus und des Marcus aus dem Codex purpureus Rossanensis. Leipzig: Hinrichs, 1883.
- William Sanday, The Text of the Codex Rossanensis (Σ) Studia biblica, [vol. 1] Oxford 1885, S. 103-112.
Вонкавыя спасылкі
рэдагаваць- Апісаньне кодэксу (ням.)
- Кодэкс на бачыне Расанскага музэю (італ.)
| Гэта — накід артыкула. Вы можаце дапамагчы Вікіпэдыі, пашырыўшы яго. |