Дзень Сьвятога Духа

Дзень Сьвято́га Ду́ха, урачы́стасьць спасла́ньня Сьвято́га Ду́ха — вяснова-летняе сьвята, якое ў Рыма-Каталіцкай Царкве супадае з Тройцай, а ў Грэка-Каталіцкай і Праваслаўнай царкве адзначаецца ў першы панядзелак па Тройцы.

Пяцідзясятніца

хрысьціянская традыцыя
Значэньне	Адзначэньне сыходу Сьвятога Духа на апосталаў; паўстаньне Царквы

Іншая назва Дзень пяцідзяся́тніцы — бо прыпадае на 50-ы дзень (сёмую нядзелю) пасьля Вялікадня. У гэты дзень Сьвяты Дух сышоў на апосталаў і пасьлядоўнікаў Хрыстовых, якія сабраліся ў Ерусаліме на сьвяткаваньне Сьвята тыдняў, пра што апавядаюць Дзеі апостальскія. Паколькі дзень сьвяткаваньня адлічваецца ад Вялікадня, Пяцідзясятніца ёсьць «пераходным сьвятам».

У Брытаніі яшчэ мае назву «Белая нядзеля».

Пяцідзясятніца — адно з найвялікшых праваслаўных сьвятаў, рыма-каталіцкая ўрачыстасьць, сьвяткуецца таксама ў лютаранскай і англіканскай традыцыях.

Праваслаўная традыцыя

У наступны за Тройцай панядзелак адзначаецца сьвята ў гонар Сьвятога Духу. Гэтае сьвята было ўсталяванае Царквой дзеля велічы Прасьвятога і Жыватворчага Духу, у процідзеяньне вучэньню ерэтыкоў, якія аспрэчвалі Боскасьць Сьвятога Духу і адзінасутнасьць Яго з Богам Айцом і Сынам Божым.

Ніжэй пададзеныя сьвяточныя сьпевы ў рэдакцыі Біблейскае Камісіі БПЦ.

Малітва Сьвятому Духу

Цару Нябесны, Уцяшыцелю, Духу ісьціны, Ты ўсюды прысутны і ўсё напаўняеш, Скарбніца дабра і жыцьця Падацелю, прыйдзі і ўсяліся ў нас, і ачысьці нас ад усякай нечыстаты і спасі, Добры, душы нашы.