Парцалянавая фабрыка Чэлсі

Парцалянавая мануфактура Чэлсі — першая істотная парцалянавая мануфактура ў Ангельшчыне. Паўстала прыкладна ў 1743-45 роках, першыя вырабы выйшлі ў 1745.

Парцалянавая талерка (каля 1765) у музэі Вікторыі й Альбэрта

Мінуўшчына

Дакумэнтаў таго часу захавалася вельмі мала. Вядома, што яе дырэктарам быў ювэлір Нікалас Спрымант. Першыя наборы сталовага посуду, выпушчаныя да 1750 року, былі вельмі шыкоўна аздобленыя і ствараліся паводле ўзораў майсэнскай парцаляны і сярэбраных прататыпаў, такіх як салонкі ў форме рэалістычных ракавінаў. З 1760 року за ўзор прадукцыі ўсё часьцей прымаецца сэўрская парцаляна.

У 1769 мануфактуру набыў Ўільям Д’юзбэры, уладальнік парцалянавай фабрыкі Дэрбі, і ў гэты пэрыяд прадукцыя абодвух фабрыкаў не адрозьнівалася. «Чэлсійска-дэрбцкі пэрыяд» цягнуўся да 1784 року, пасьля гэтага мануфактура Чэлсі была разабраная, а яе ліцейныя формы, узоры, супрацоўнікі і мастакі перавезеныя ў Дэрбі.

Галерэя

• 
• 
  Вулічны гандляр, каля 1760
• 
  Сабакі (каля 1749) у музэі Вікторыі й Альбэрта
• 
  Элемэнты, паміж 1760 і 1769. Індыянапаліскі музэй мастацтва, ЗША

Глядзіце таксама

• Парцалянавая фабрыка Дэрбі

Вонкавыя спасылкі

Парцалянавая фабрыка Чэлсі — сховішча мультымэдыйных матэрыялаў

• Кліўлэндзкі музэй мастацтва(недаступная спасылка)

Літаратура

• F. Severne McKenna, Chelsea Porcelain: The Red Anchor Wares, 1951.
• F. Severne McKenna, Chelsea Porcelain: The Gold Anchor Wares, 1952.