Паветы Рэспублікі Малдова

Паве́ты Рэспу́блікі Малдо́вы — адміністрацыйны падзел Рэспублікі Малдовы, які існаваў у 1999—2002 гадах.

Адміністрацыйны падзел Рэспублікі Малдова 1999—2002 гадоў

Гісторыя ўзьнікненьня

У 1998 годзе дэпутаты Парлямэнту Рэспублікі Малдова прынялі ў першым чытаньні законапраект пра ўнясеньне зьменаў і дадаткаў у закон «Пра мясцовае публічнае кіраваньне» ад 6 лістапада 1998 году. Дакумэнт вызначаў разьмежаваньне кампэтэнцыяў сёл (камун), гарадоў (муніцыпіяў) і раёнаў.

З 1 студзеня 1999 году і да 29 студзеня 2002 году Рэспубліка Малдова была падзелена на 9 (з 22 кастрычніка 1999 году — 10) паветаў, 1 муніцыпальнае і 2 адміністрацыйна-тэрытарыяльныя ўтварэньні.

• Бельцкі павет (Judeţul Bălţi)
• Кагульскі павет (Judeţul Cahul)
• Кішынёў (муніцыпальнае ўтварэньне)
• Кішынёўскі павет (Judeţul Chişinău)
• Едзінецкі павет (Judeţul Edineţ)
• Гагавузія (адміністрацыйна-тэрытарыяльнае ўтварэньне)
• Лапушнянскі павет (Judeţul Lăpuşna)
• Аргееўскі павет (Judeţul Orhei)
• Сарокскі павет (Judeţul Soroca)
• Дубасарскі павет (адміністрацыйна-тэрытарыяльнае ўтварэньне на левым беразе Днястра)
• Тараклійскі павет (Judeţul Taraclia), вылучаны з Кагульскага павету 22 кастрычніка 1999 году
• Бэндэрскі павет (Judeţul Tighina)
• Унгенскі павет (Judeţul Ungheni)

29 студзеня 2002 году тагачаснай парлямэнцкай большасьцю быў прыняты новы закон пра адміністрацыйна-тэрытарыяльны лад.