Ніл Фін

Ніл Фін
	Ніл Фін
	Neil Finn, OBE
	Ніл Фін (2010)
Дата нараджэньня	27 траўня 1958 (66 гадоў)
Месца нараджэньня	Тэ Авамуту
Прафэсія	музыка, аўтар песьняў
Гады дзейнасьці	1976 — цяпер
Сябра ў	Split Enz[d], Crowded House[d], Fleetwood Mac[d] і The Finn Brothers[d]
Жанры	рок, арт-рок, новая хваля, поп
Інструмэнты	сьпеў, гітара, укулеле, мандаліна, клявішныя, бас-гітара, бубны
Гурты	Split Enz; Crowded House; Pajama Club; 7 Worlds Collide;
Супрацоўніцтва	After Hours; Finn Brothers; The Mullanes; Flight of the Conchords;
Лэйблы	Columbia
Дзеці	Liam Finn[d]
Узнагароды	тып ордэна ня вызначаны
Сайт	neilfinn.com
	Ніл Фін у Вікісховішчы

Кавалер Ніл Малэйн Фін (па-ангельску: Neil Mullane Finn; * 27 траўня 1958, Тэ Авамуту, Новая Зэляндыя) — новазэляндзкі музыка. Былы фронтмэн гурту «Split Enz» (разам з братам Цімам), а цяпер фронтмэн «Crowded House». Запісаў таксама некалькі пасьпяховых сольных альбомаў і сабраў разнастайных музыкаў для праекту «7 Worlds Collide».

Фін стаў вядомым напрыканцы 1970-х, замяніўшы сьпевака і складальніка песьняў Філа Джада ў братавым гурце «Split Enz». Падчас супрацоўніцтва з гуртом Ніл напісаў гіты «One Step Ahead», «History Never Repeats», «I Got You» і «Message to My Girl». Сусьветную вядомасьць Ніл Фін атрымаў пасьля развалу «Split Enz» у 1984, заснаваўшы ў наступным року «Crowded House». Гурт займеў міжнародны посьпех у 1987 року з выхадам самотніку «Don’t Dream It’s Over» Фінавага аўтарства.

У 1996 року Ніл Фін распусьціў «Crowded House», заняўшыся сольнай кар’ерай, і разам з братам Цімам выдаў два альбомы пад аўтарствам «Finn Brothers». У 2006, па сьмерці бубнача «Split Enz» і «Crowded House» Пола Гестэра Фін адрадзіў гурт, які праз 13 рокаў выдаў першы студыйны альбом, «Time on Earth».

У 2012 року напісаў песьню «Song of the Lonely Mountain» для фільму «Хобіт: Нечаканае падарожжа», да якой скампанаваў таксама музыку^[1].

Сын Лаем Фін — таксама музыка, лідэр экспэрымэнтальнага рок-гурту «Betchadupa».

Крыніцы

^ Peter Holslin. (30 лістапада 2012) 'The Hobbit: An Unexpected Journey' Soundtrack Honors the Dwarves (анг.) Music News. Rolling Stone. Праверана 10 ліпеня 2013 г.

Літаратура

Chris Bourke. Crowded House: something so strong. — Sydney, Australia: Macmillan Publishers, 1997. — ISBN 0-7329-0886-8
John Dix. Stranded in Paradise: New Zealand Rock and Roll, 1955 to the Modern Era. — New Zealand: Penguin Group, 2005. — ISBN 0-14-301953-8

Вонкавыя спасылкі

Ніл Фін — сховішча мультымэдыйных матэрыялаў

Афіцыйная бачына

Злучыць^?

[1] Peter Holslin. (30 лістапада 2012) 'The Hobbit: An Unexpected Journey' Soundtrack Honors the Dwarves (анг.) Music News. Rolling Stone. Праверана 10 ліпеня 2013 г.

[1]