Манстэрскі дыялект
Ма́нстэрскі дыяле́кт ірля́ндзкай мовы (па-ірляндзку: Gaeilge na Mumhan) — адзін з трох дыялектаў ірляндзкай мовы, распаўсюджаны пераважна ў гэлтахтах Кэры (Contae Chiarraí), Рынг (An Rinn) каля Дангарвану (Dún Garbháin) ва Ўатэрфордзе (Contae Phort Láirge) і Мускеры (Múscraí), таксама на востраве Кэйп-Клір-Айлэнд (Oileán Chléire) у заходняй частцы графства Корк (Contae Chorcaí). Найважнейшы падзел унутры дыялекту — розьніца паміж гаворкай графства Ўотэрфард і ўсімі астатнімі.
