Леанід Гайдай

Леанід Ёвіч Гайдай (па-расейску: Леонид Иович Гайдай; 30 студзеня 1923, Свабодны — 19 лістапада 1993, Масква) — савецкі і расейскі кінарэжысэр, сцэнарыст, актор, Народны артыст РСФСР (1974), Народны артыст СССР (1989).

Леанід Гайдай
Леонид Иович Гайдай
Дата нараджэньня	30 студзеня 1923
Месца нараджэньня	Свабодны, Амурская губэрня, РСФСР
Дата сьмерці	19 лістапада 1993
Месца сьмерці	Масква, Расея
Прычына сьмерці	эмбалія лёгкіх[d]
Месца пахаваньня	Кунцаўскія могілкі[d]
Грамадзянства	СССР Расея
Месца вучобы	Усесаюзны дзяржаўны інстытут кінэматаграфіі[d] (1955)
Занятак	рэжысэр, сцэнарыст, актор
Гады дзейнасьці	1956 — 1992
Сябра ў	Саюз кінэматаграфістаў СССР[d]
Жанры	камэдыя
Узнагароды
IMDb	ID nm0301145
Сайт	leonid-gaidai.ru
Подпіс
Леанід Гайдай у Вікісховішчы

Пахаваны ў Маскве на Кунцаўскіх могілках.

Біяграфія

Гайдай навучаўся ў Іркуцкай чыгуначнай школе № 42. Скончыў школу 18 чэрвеня 1941 году, а ўжо 23 чэрвеня пайшоў запісвацца добраахвотнікам у войска, куды яго не ўзялі з-за ўзросту. Пасьля гэтага Гайдай ўладкаваўся працоўным сцэны ў Іркуцкі тэатар, дзе ў гэты час застаўся ў эвакуацыі Маскоўскі тэатар сатыры. Ён працаваў з тэатрам сатыры, глядзеў усе спэктаклі, езьдзіў на гастролі. Быў прызваны ў 1942 годзе і першапачаткова праходзіў службу ў Манголіі, затым быў накіраваны на Калінінскі фронт.

Атрымаў цяжкае раненьне, падарваўшыся на супрацьпяхотнай міне, пасьля чаго яго прызналі непрыдатным да далейшага нясеньня вайсковай службы. У 1947 годзе скончыў тэатральную студыю пры Іркуцкім абласным драматычным тэатры. Працаваў асьвятляльнікам і акторам. У 1949 годзе паступіў на рэжысэрскі факультэт УДІК, які скончыў ў 1955 годзе.

У 1956 годзе выйшаў першы фільм Леаніда Гайдая — «Доўгі шлях», пастаўлены паводле матываў апавяданьняў Уладзімера Караленка.

Фільмаграфія

Рэжысэрскія працы

• 1956 — Доўгі шлях
• 1958 — Жаніх з таго сьвету
• 1960 — Тройчы ўваскрослы
• 1961 — Сабака Барбос і незвычайны крос
• 1961 — Самагоншчыкі
• 1963 — Дзелавыя людзі
• 1965 — Апэрацыя «Ы» і іншыя прыгоды Шурыка
• 1966 — Каўкаская палоньніца, або новыя прыгоды Шурыка
• 1968 — Дыямэнтавая рука
• 1971 — 12 крэслаў
• 1973 — Іван Васільевіч мяняе прафэсію
• 1975 — Ня можа быць!
• 1977 — Інкогніта зь Пецярбургу
• 1980 — За запалкамі
• 1982 — Спортлато-82
• 1985 — Небясьпечна для жыцьця!
• 1989 — Прыватны дэтэктыў, або апэрацыя «Каапэрацыя»
• 1992 — На Дэрыбасаўскай добрае надвор'е, або на Брайтан-Біч ізноў ідуць дажджы

Вонкавыя спасылкі

• Сайт прысьвечаны Леаніду Гайдаю