Крэпасьць Сокал

Крэпасьць Сокал была збудавана па загадзе Івана Жахлівага ў сьнежні 1566 году пры ўпадзеньні рэчкі Нішчы ў Дрысу. Яна была абкружана валам, ровам і 11 драўлянымі вежамі.

Малюнак Станіслава Пахалавецкага, 1579

Крэпасьць уяўляла сабою значнае ўмацаваньне, аднак праіснавала ўсяго трынаццаць гадоў і была спалена 11 верасьня 1579 году войскамі Рэчы Паспалітай. Пад час аблогі Полацку тут прыпыніліся войскі маскоўцаў, пасланыя на падтрымку абкладзенаму маскоўскаму гарнізону, што замінала арміі Стэфана Баторыя. Гэта адклала час здачы Полацка і прымусіла сканцэнтраваць значныя сілы пры ўзяцьці крэпасьці.

Глядзіце таксама

• Сьпіс замкаў Беларусі
• Сьпіс замкаў ВКЛ

Літаратура

• Брэжго, Б. Замкі Віцебшчыны. Вільня, 1933.