Калінінская лінія

Калінінская лінія
Маскоўскі мэтрапалітэн
Пачатак працы	11 сьнежня 1979
Даўжыня, км	16,5+15
Колькасьць станцыяў	8+12
Вагонаў у складзе	7-8
Завантажаныя станцыі	Новагірэева
Наземныя часткі	Няма
Электрадэпо	ЦЧ-12 «Новагірэева», ЦЧ-3 «Ізмайлава»

«Каліні́нска-Сонцаўская лінія» (па-руску —Кали́нинско-Со́лнцевская ли́ния), да 2010 году — «Калінінская лінія», восьмая лінія Маскоўскага мэтрапалітэну. Лінія ўключае ў сябе дзьве асобных дзялянкі: «Трацьцякоўская» — «Новакасіно», якая складаецца з васьмі станцыяў і злучае з цэнтрам усходнія раёны гораду (Калінінскі радыюс), ды «Пятроўскі парк» — «Расказаўка», які складаецца зь 12 станцыяў і разьмешчаны на тэрыторыі Цэнтральнай і Заходняй акругаў Масквы (Сонцаўскі радыюс). Дзялянка Парк Пабеды - Пятроўскі парк адносіцца адначасова да Сонцаўскага радыюсу і Вялікай кальцавой лініі (да пабудовы цэнтральнай дзялянкі «Трацьцякоўская» — «Дзелавы цэнтар» — пасьля 2020 году).

Калінінская лінія на мапе Масквы

Агульная колькасьць станцыяў — 20, агульная даўжыня — 35 км. На схемах пазначаецца жоўтым колерам і лікам — 8 Калінінская лінія (Калінінскі радыюс) ды 8А Сонцаўская лінія (Сонцаўскі радыюс).

Асноўныя зьвесткі

Першыя станцыі лініі былі адчыненыя ў 1979 годзе на яе ўсходнім радыюсе, які атрымаў назву «Калінінская лінія» паводле найменьня Калінінскага раёну Масквы, які існаваў на той час. У 2010 годзе было прынята рашэньне прыступіць да будаўніцтва заходняга радыюсу, які праходзіць ад станцыі «Парк Пабеды» ў напрамку раёну Сонцава, які ў будучым будзе злучаны з Калінінскай лініяй. Перагон «Парк Пабеды» — «Дзелавы цэнтар» быў адчынены ў 2004 годзе, завершыць будаўніцтва заходняга радыюсу плянуецца ў 2017 годзе, а цэнтральнай дзялянкі «Трацьцякоўская» — «Дзелавы цэнтар» — пасьля 2020 году.

Сярэдні час паездкі па ўсходнім радыюсе — 22 хвіліны, па дзялянцы «Пятроўскі парк» — «Расказаўка» — ?? хвілін. Сярэдняя хуткасьць руху рухомага складу — 45 км/г. Лінія цалкам падземная, дзялянкі «Трацьцякоўская» — «Шаша Энтузыястаў» ды «Парк Пабеды» — «Дзелавы цэнтар» зьяўляюцца дзялянкамі глыбокага закладу, дзялянка «Пярова» — «Новакасіно» — плыткага. Сярэднесодневы пасажырапаток лініі ў 2011 годзе складаў 337 тысячаў чалавек. У гадзіны пік сярэдняя загружанасьць вагонаў складае 6,5 чалавекі на квадратны мэтар; гэта другі паказьнік у Маскоўскім мэтрапалітэне пасьля Таганска-Краснапрэсьненскай лініі.

Заходні радыюс

Дзеючыя станцыі:

Уведзеныя ў 2017 годзе:

• «Мінская» — на скрыжаваньні Менскай ды Старавалынскай вуліцаў
• «Ламаносаўскі праспэкт» — на скрыжаваньні Ламаносаўскага ды Мічурынскага праспэктаў (пад плошчаю Індзіры Гандзі)
• «Ра́менкі» — пад прамежкавым сквэрам Мічурынскага праспэкту на ўзроўні Віньніцкай вуліцы

Уведзеныя ў 2018 годзе:

• «Мічу́рынскі праспэкт» — на захад ад скрыжаваньня Мічурынскага праспэкту ды вуліцы Ўдальцова
• «Азёрная» — уздоўж Мічурынскага праспэкту, часткова пад Азёрнай плошчай
• «Говарава» — паралельна Бораўскай шашы, на захад разьвязкі МКАД, ля вуліцы 50 год Кастрычніка
• «Сонцава» — на скрыжаваньні вуліцаў Багданава і Папутнай
• Адгалінаваньне да дэпо Сонцава
• «Бораўская шаша» — дыяганальна Бораўскай шашы на ўзроўні Чобатаўскага лесу
• «Новаперадзелкіна» — пад скрыжаваньнем вуліцы Шолахава з Бораўскай шашай, паралельна апошняму
• «Расказаўка» — у вёсцы Расказаўка Новамаскоўскай адміністратыўнай акругі Масквы

Цэнтральная дзялянка

Станцыю «Трацьцякоўская» плянуецца далучыць да дзеючай станцыі «Дзелавы цэнтар» пасьля 2020 году. На гэтай дзялянцы плянуюцца прамежкавыя станцыі Валхонка, Плюшчыха ды Дарагамілаўская.

Вонкавыя спасылкі

Калінінская лінія — сховішча мультымэдыйных матэрыялаў