Змоўкні!

францускі фільм 2003 году

«Змоўкні!» (па-француску: Tais-toi!) — францускі камэдыйны крымінальны фільм 2003 году, зьняты рэжысэрам Франсісам Вэбэрам. Галоўныя ролі ў творы выканалі Жан Рэно і Жэрар Дэпард’ё.

Змоўкні!
па-француску: Tais-toi !
Жанр кінакамэдыя[d], фільм пра турму[d] і баявік[d]
Рэжысэр
Сцэнарыст
Прадусар
У ролях
Кампазытар
Апэратар
Мантаж Жорж Клёц[d]
Вытворчасьць UGC[d]
Дата выхаду 2003 і 17 чэрвеня 2004[2]
Працягласьць 85 хвіліна
Краіна
Мова француская мова
Бюджэт 27 440 000 €
Старонка на IMDb

Сюжэт рэдагаваць

Квэнтын (Жэрар Дэпард’ё) ёсьць дзіўнаватым дробным крымінальнікам, які робіць напады на пункты абмену валюты. Ня маючы магчымасьці атрымаць патрэбныя грошы ў адной з рабаваных ім касаў, ён просіць накіраваць яго ў найбліжэйшы банк, дзе можна будзе скрасьці грошай. Калі паліцыя даведваецца пра злачынства, Квэнтэн забягае ў кінатэатар, дзе паказваюць фільм «Ледавіковы пэрыяд». Паліцыянты яго зь лёгкасьцю затрымліваюць, бо замест таго, каб працягваць бегчы, ён садзіцца і атрымлівае асалоду ад фільму. Рубі (Жан Рэно), памочнік крымінальнага босу Фогеля (Жан-П’ер Малё), меў раман з жонкай свайго начальніка і трапіў за краты пасьля таго, як яго схапілі былі, у час ягонага схаваньня нарабаванага, якое ён скраў быў у свайго боса ў помсту за сьмерць каханкі. У турме Рубі адмаўляецца есьці і гаварыць, што зацікаўлівае псыхіятра (Андрэ Дзюсалье) турмы, але не вырабляе ўражаньня на расьледвальнікаў, якія бачаць у гэтым Рубіву хітрасьць.

На прапанову дэтэктыва абодва злачынцы апынаюцца ў адной камэры, бо расьледвальнікі ведаюць, што невыносны экстравэрт Квэнтын іншых зьняволеных даводзіў да шаленства. Квэнтын мяркуе, што ён завязаў аднабаковае сяброўства з Рубі пасьля нецікавага маналёгу, аднак яны зноўку разышліся пасьля таго, як Рубі зрабіў спробу самагубства з мэтай пазбавіцца ад Квэнтына. Квэнтын робіць тое ж самае і аказваецца ў ложку побач з Рубі ў лязарэце.

Рубі ўдаецца падкупіць псыхіятра, які таксама працуе на Фогеля, каб той дапамог яму ўцячы з турмы. Квэнтын, аднак, зрывае ўцёкі і робіць уласную няўдалую спробу ўцёкаў з дапамогай п’янага даўняга сябра, які кіраваў кранам. За час фільму ахоўнікі Фогеля тройчы спрабавалі злавіць Рубі. Пасьля гэтага яны скралі дзьве машыны Фогеля, але ягоныя ахоўнікі вярнулі іх назад. Рубі зьбег з турмы, але ня можа пазбавіцца ад Квэнтына, і яны абодва праходзяць праз мноства прыгодаў, у тым ліку рабуюць дом дрэсіроўшчыка поні, апранаюцца ў Шанэль, абменьваюцца адзеньнем з двума дзёрзкімі маладымі людзьмі, крадуць шэраг паліцэйскіх і грамадзянскіх аўтамабіляў і вылекваюць зьвіханае плячо Рубі. І калі Квэнтын паспрабаваў скрасьці чарговы аўтамабіль, іх заўважылі два паліцыянты, а Рубі атрымаў у выніку сур’ёзныя раненьні.

Прытуліўшыся ў закінутай краме, дзе Квэнтын плянуе адчыніць кавярню, яны сустракаюць бясхатнюю жанчыну, падобную на былую жонку Фогеля. Рубі дае ёй грошы і высаджвае ля гатэлю. Пасьля захапляльнай аўтамабільнай пагоні, дзе антаганісты апынуліся ў пастцы, яны ўваходзяць у маёнтак Фогеля і ў выніку перастрэлкі забіваюць Фогеля, а Квэнтын, як мяркуецца, сьмяротна паранены. Рубі, на сваё вялікае зьдзіўленьне, выказвае сваё гора па Квэнтыну, які перад сьмерцю марыць аб уласнай з Рубі кавярні пасьля вылекваньня.

Крыніцы рэдагаваць

Вонкавыя спасылкі рэдагаваць