Завацкія

Зава́цкія (часам памылкова называюцца Завадзкімі) — татарскі княскі род у ВКЛ, адгалінаваньне Наймановічаў. У сваю чаргу ад Завацкіх пайшлі наступныя роды: Русіны, Адзыкічы, Сулевічы. Валодалі маёнткам Вака. Частка прадстаўнікоў роду перайшла ў хрысьціянства. Апошні вядомы прадстаўнік роду – Юзаф Завацкі, таварыш пярэдняе варты войска літоўскага ў 1772 годзе.

Радавод

Казка Айдаравіч, сын Айдара Кандратовіча Наймановіча; валодаў маёнткам у Прудзянах

1. Тан-Бэрдзей
   1. Муска
      1. Мулка, зьмяніў прозьвішча на Русін
         1. Ахмэць (узг. 1631), апошні вядомы прадстаўнік Русінаў
      2. Адзыкій, пачынальнік роду Адзыкічаў
2. Келды-Даўлець, уладальнік часткі маёнтку ў Прудзянах, маёнткаў у Кумелянах і Запрудзьдзі ў Ашмянскім павеце
   1. Нурум
      1. Сюлай, пачынальнік Сюлевічаў (Сулевічаў)
         1. Ізмаэль
      2. Шэйх-Іслам, у 1601 годзе дакупіў частку Прудзянаў
         1. Ях’я (Ян), ж. — Хава Абрагімаўна Тахтуеўна Старынская
            1. Абрагім, у пасаг ад жонкі атрымаў Улановічы; ж. — ад 1660 Фатма Ўланаўна
            2. Самуэль, у 1658 служыў у войску
            3. Ахмэць, у 1658 служыў у войску
3. Ісуп