Дыялёг
размова двух ці больш людзей
Дыялё́г (па-грэцку: dialogos — гутарка, размова паміж двума людзьмі) — літаратурная або тэатральная форма вуснага ці пісьмовага абмену выказваньнямі (рэплікамі) паміж двума і больш людзьмі. У філязофскім і навуковых сэнсах — спэцыфічная форма і арганізацыя зносінаў, камунікацыі. Традыцыйна супрацьпастаўляецца маналёгу. Акрамя ажыцьцяўленьня камунікацыі дыялёг можа быць выкарыстаны ў мастацкіх мэтах (у літаратуры, кіно), для перадачы філязофскіх ідэй (напрыклад, дыялёгі Плятона — «Фэдон», «Пір»), для навучаньня замежнай мове (як практыкаваньне).