Менская дзіцячая чыгунка імя К. С. Заслонава

Менская дзіцячая чыгунка імя К. С. Заслонава — дзіцячая чыгунка, разьмешчаная ў Менску.

Дарога адкрываецца кожны год 1 траўня і закрываецца ў апошнюю нядзелю верасьня. У траўні й верасьні дарога працуе па нядзелях і сьвяточных днях, у летнія месяцы — па серадах, чацьвяргах, пятніцах, суботах і нядзелях.

Пачынаючы зь зімы 2008—2009 гадоў рух цягнікоў ажыцьцяўляецца й у дні зімовых канікулаў.

Інтэрвал руху цягнікоў — 35 хвілінаў.

Гісторыя

Чыгунка была адкрытая 9 ліпеня 1955 году. З 1955 году эксплюатаваліся паравоз КП і 6 драўляных вагонаў. З 1967 году пачаў эксплюатавацца цеплавозы ТУ2-113 і 6 цэльнамэталічных вагонаў Pafawag. У 1971 годзе чыгунцы было прысвоена імя Канстанціна Сяргеевіча Заслонава — беларускага партызана-чыгуначніка, Героя Савецкага Саюзу. Галоўная станцыя «Парк Культуры» была перайменаваная ў «Заслонава». У канцы 70-х гадоў паступіў цеплавоз ТУ2-010 з Эстоніі, з зачыненай вузкакалейкі.

У сярэдзіне 1980-х на станцыі «Заслонава» быў праведзены капітальны рамонт, а ў 1987 годзе была праведзеная тэхнічная мадэрнізацыя чыгнункі — была ўстаноўленая аўтаблякіроўка, пабудаваны новы будынак дыспэтчарскай на станцыі «Піянэрская», пясчаны балястны слой быў заменены на друзавы. Паступіў у эксплюатацыю новы цеплавоз (ТУ7А-2782) і 12 вагонаў ПВ40. Вагоны Pafawag были спісаныя.

У 1994 годзе цеплавоз ТУ2-010 быў сьпісаны на мэталялом, а 6 вагонаў Pafawag разьбітыя мясцовымі вандаламі і адпраўленыя ў рамонт. У 2005 годзе быў сьпісаны цеплавоз ТУ2-113. Цяпер яго стаянка знаходзіцца ў Берасьцейскім музэі чыгуначнай тэхнікі.

У тым жа 2005 годзе вагоны вытворчасьці 1987 году былі адпраўленыя на рамонт. Да 50-гадовага юбілею чыгункі былі падораныя 6 вагонаў, якія прайшлі капітальны рамонт на Гомельскім вагонарамонтным заводзе.

Летам 2008 году быў набыты цеплавоз ТУ7А-3350. У траўні 2009 году адбылося ўрачыстае адкрыцьцё новага навучальнага цэнтру з прафілюючымі клясамі, кампутарным кабінэтам і заляй гісторыі.

Галерэя

• 
  Станцыя «Піянэрская»
• 
  Станцыя «Сасновы Бор»
• 
  Лякаматыў на станцыі «Заслонава»
• 
  Цягнік на станцыі «Заслонава»

Глядзіце таксама

• Менскі чыгуначны вузел

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  713Г000359

• Старонка дзіцячай чыгункі на сайце Беларускай чыгункі
• Гісторыя Менскай дзіцячай чыгункі на сайце Д. Суцягіна «Дзіцячыя чыгункі СССР»
• Гісторыя Менскай ДЧ на сайце minsk-old-new.com
• Неафіцыйны сайт Менскай ДЧ (рас.)