Дзяржаўны дэпартамэнт ЗША

Дзяржаўны дэпартамэнт ЗША
	Дзяржаўны дэпартамэнт ЗША
	The United States Department of State
Дата ўтварэньня	1789
Тып	дзяржаўная
Юрыдычны статус	міністэрства замежных справаў
Месцазнаходжаньне	ЗША

Дзяржаўны дэпартамэнт ЗША (анг. The United States Department of State) — міністэрства замежных справаў Злучаных Штатаў Амэрыкі, якое ўзначальвае Дзяржаўны сакратар. Утварылася ў 1789 годзе, першым Дзяржаўным сакратаром быў Томас Джэфэрсан.

Юрыдычна гэта дарадчы орган (Канстытуцыя ЗША ускладвае ажыцьцяўленьне замежнай палітыкі на прэзыдэнта). Фактычна плянуе і, па ўхваленьні прэзыдэнтам і кангрэсам, ажыцьцяўляе замежнапалітычны курс, нясе адказнасьць за яго выкананьне. Каардынуе таксама дзеяньні іншых выканаўчых дэпартамэнтаў, які датычаць замежнай палітыкі, спрыяе грамадзкаму яе разуменьню шляхам інфармацыйных паслугаў і публікацыяў^[1].

Улучае падразьдзелы Бюро з дэмакратыі, правоў чалавека і працы, які публікуе штогадовы даклад пра падтрымку Злучанымі Штатамі правоў чалавека і дэмакратыі ў сьвеце, і Інстытут замежнай службы, які займаецца падрыхтоўкай дыпляматычных работнікаў.

Крыніцы

^ БЭ. — Мн.: 1998 Т. 6. С. 152.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1998. — Т. 6: Дадаізм — Застава. — 576 с. — ISBN 985-11-0106-0

[1] БЭ. — Мн.: 1998 Т. 6. С. 152.

[1]