Дачка мясьніка

"Дачка мясьніка" (па-габрэйску: תיקון אהר חצות; па-ангельску: The Slaughterman's Daughter) - гістарычная навэла з "адчуваньнем казкі"[1] пра габрэйскую абшчыну ў Моталі ў канцы 19-га стагодзьдзя, напісаная ізраільскім пісьменьнікам Янівам Ічковіцам [Yaniv Iczkovits] на іўрыце. Кніга выдадзеная ўпершыню ў Ерусалеме ў 2015 годзе. Перакладзеная на ангельскую мову Орам Шарфам [Orr Scharf].

Прызы і водгукіРэдагаваць

  • Wingate Prize 2021;
  • Брытанская газэта The Sunday Times называе навэлу сярод кніг, якія трэба "абавязкова прачытаць”;
  • Міжнародны штотыднёвік The Economist далучае навэлу да "лепшых кніг 2020";
  • Амэрыканскі часопіс Kirkus Reviews адзначае, што "Дачка мясьніка" належыць да "10 кніг, што трэба прачытаць у 2021 годзе". Навэла “праводзіць чытача па калідорах улады, людзей і гісторыі Беларусі XIX стагоддзя”.[2][3]

Сюжэт і гісторыя стварэньняРэдагаваць

Ідзе 1894 год і шмат беларускіх габрэяў эмігруе ў ЗША, Германію і Палестыну. Гісторыя пачынаецца адным мужам і бацькам, якія пакідаюць сваю сямʼю, хаця толькі і рызыкнуўшы даехаць да Менску.[1]

Мясцовыя жыхары Моталя, “ізаляванага, забытага Богам горада”, узрушаныя, калі Фані Кейсманн - адданая жонка, маці пецярых дзяцей і знакамітая вытворца сыроў - пакідае свой дом у дзьве гадзіны ночы і зьнікае ўначы. Праўда, мужы Моталя зьнікаюць гадамі, але жонка і маці? Адна з самых вынаходлівых, складаных і вобразных гісторый, убачаных вачыма невялікага беларускага горада.[3]

Кніга цікавая яшчэ і тым, што, калі аўтар пісаў "Дачку мясьніка", ён не хацеў наведваць Беларусь. “Я хацеў намаляваць гэтыя страчаныя сусьветы са свайго ўяўленьня і падтрымаць гісторыю грунтоўнымі гістарычнымі дасьледаваньнямі. Я думаў, што, калі паеду туды, я знайду зусім іншы сьвет, у якім няма габрэяў і штэтлаў, проста звычайную ўсходнеэўрапейскую краіну з адным габрэйскім музэем і бязьлюднай сынагогай.”

Але за месяц да таго, як кніга павінна была быць надрукаваная ў Ізраілі, аўтар вырашыў, што яму “трэба спраўдзіць некалькі фактаў”, і паехаў у Мотыль.[4]

КрыніцыРэдагаваць

  1. ^ а б Novel set in Belarus – The Slaughterman’s Daughter by Yaniv Iczkovits [Навэла з месцам дзеяньня ў Беларусі - "Дачка мясьніка" Яніва Ічковіца], 22.02.2020
  2. ^ The Slaughterman's Daughter by Yaniv Iczkovits ["Дачка мясьніка" Яніва Ічковіца]
  3. ^ а б The Slaughterman's Daughter [Дачка мясьніка], Waterstones
  4. ^ Talking Location With author Yaniv Iczkovits – BELARUS [Месца, якое гаворыць, з аўтарам Янівам Ічковіцам - БЕЛАРУСЬ], 16.03.2020