Гістарычныя раёны Гомля

Гістарычныя раёны Гомля — раёны гораду, якія гістарычна склаліся, і асобныя мястэчкі, якія зь цягам разрастаньня гораду Гомля былі ўключаны ў гарадзкую рысу.

Канец 19-га — пачатак 20-га стагодзьдзяў

У гэты пэрыяд гісторыкі выдзяляюць некалькі раёнаў і гарадзкіх ўскраін:

Амэрыка — гарадзкая ўскраіна канца 19 ст., межы раёну: Конная плошча (раён цяперашняга Цэнтральнага рынку), вуліца Кузьнечная (цяперашняя Інтэрнацыянальная), чыгуначная дарога (на захадзе)
Гарэлае балота
Кагальны роў
Каўказ
Палац
Спасава Слабада
Сьвісток

Прычым «Палац» як асобны раён разглядаюць ня ўсе, але ж раён сучаснага Цэнтральнага гомельскага парку заўважна выдзяляўся на фоне астатніх раёнаў.

Прыкладна ў той жа час павятовы гарадок Новая Беліца ўключаецца ў састаў гораду. Таксама пачынаецца інтэнсіўная забудова супрацьлеглага боку Лібава-Роменскай чыгункі, так фармуюцца раёны Залінія і Манастырок (які да гэтага зьяўляўся часткай Спасавай Слабады).

Літаратура

Гомель. Энцыклапедычны даведнік. — Мн.: БелСэ, 1991. — 527 с.