Густаў Стравінскі

Гу́стаў Страві́нскі (мянушка «Млотак»; 1837—1905) — адзін з кіраўнікоў паўстаньня Кастуся Каліноўскага.

Увесну 1863 г. сфармаваў Ваўкавыскі паўстанцкі атрад, на чале якога пасьпяхова правёў бой з карнікамі ў Міхалінскіх лясах (каля г. Бяроза), 3 чэрвеня ўдзельнічаў у Мілавідзкай бітве. Некаторы час пры яго атрадзе знаходзіўся галоўны штаб паўстанцаў Гарадзенскай губэрні. Са жніўня 1863 г. паўстанцкі ваенны начальнік Ваўкавыскага павету. Пасьля паўстаньня ў эміграцыі.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2002. — Т. 15: Следавікі — Трыо. — 552 с. — ISBN 985-11-0251-2