Громадське радіо

Грома́дське ра́діо (па беларуску: Грамадзкае радыё) — украінская недзяржаўная арганізацыя, мэта якой — стварэньне незалежнай радыётрансьляцыі ва Ўкраіне.

Громадське радіо
Горад Кіеў, вул. Хрэшчатык, 26
Краіна Украіна
Слоган Слухайте. Думайте
Час вяшчаньня Кругласутачна
Зона вяшчаньня інтэрнэт
Пачатак працы 2002 (20 гадоў таму)
Уласьнік Грамадзкае аб'яднаньне «Громадське радіо»
Сайт hromadske.radio
Twitter HromadskeRadio
Facebook hromadske.radio
YouTube Hromadskeradio
Он-лайн-трансьляцыя stream-ps-hi

Цяпер існуе другая арганізацыя з такой жа назвай. Першае Громадське радіо было створана ў 2002 годзе журналістам Аляксандрам Крывенка. Адно зь першых незалежных мэдыя ва Ўкраіне праіснавала да 2005 году.

У 2013 годзе Громадське радіо аднавіла група прафэсыйных журналістаў. Сёньня радыё вядзе кругласутачны жывы этэр на 16 перадатчыках у шасьці рэгіёнах Украіны, у прыватнасьці ў Данецкай і Луганскай абласьцях. Слухаць інфармацыйную радыёстанцыю можна таксама ў сетцы — на сайце hromadske.radio, на падкаст-плятформах і ў мабільных прыкладаньнях.

10 кастрычніка 2019 году Громадське радіо перамагло ў конкурсе на FM-хвалю ў Кіеве і Кіеўскай вобласьці, атрымаўшы хвалю 99,4 FM.