Гомель (гандбольны клюб)

«Го́мель» — беларускі гандбольны клюб, які прадстаўляе горад Гомель.

Гомель
Поўная назва	Гандбольны клюб «Гомель»
Заснаваны	1960
Месцазнаходжаньне	Гомель, Беларусь
Дырэктар	Аляксандар Падасінаў
Галоўны трэнэр	Андрэй Мачалаў
Чэмпіянат	Супэрліга
2023—2024	7 месца
Форма
Клюбныя колеры
Спасылкі
Афіцыйная бачына
(абнаўленьне: 7 верасьня 2024)

Мінуўшчына

Гандбол на Гомельшчыне зьявіўся ў 1950-х гадох. Тады ў 1957 годзе мужчынская каманда Гомлю ўзяла ўдзел у першынстве БССР па гандболе ў фармаце 11×11, заняўшы выніковае другое месца. Зь цягам часу гандболам пачалі займацца ў Гомельскім пэдагагічным ўнівэрсытэце імя Чкалава, Беларускім інстытуце чыгункі ды ў іншых калектывах фізкультуры. У 1961 годзе ў горадзе прайшло першае ў Беларусі першынство сярод юнакоў і дзяўчат, дзе прадстаўнікі Гомлю сталі чэмпіёнамі.

Мясцовая каманда пасьля гэтага стала займала месцы сярод прызэраў айчыннага першынства, а ў 1970 годзе ўзяла ўдзел у чэмпіянаце СССР у клясе «А» другога дывізіёну. Пасьля атрыманьня незалежнасьці краіны, «Гомель» час ад часу вылучаў гульцоў у моладзевыя зборныя Беларусі на міжнародныя спаборніцтвы. Каманда зважаецца дружынай другога эшалёну. Клюб часта здабываў толькі бронзавыя мэдалі, пры гэтым часам гэта рабілася некалькі сэзонаў запар, як то з 2014 па 2018 гады, а таксама з 2021 па 2023 гады.

Склад

Паводле стану на 14 верасьня 2024 году

Брамнікі

• Павал Ярашук

Левыя скрайнія

• Максім Красоўскі

Правыя скрайнія

• Станіслаў Шафаловіч
• Аляксей Карлоўскі
• Віталь Зінчанка

Левыя гульнёвыя

• Ігар Кажадуб

Паўсярэднія

• Сяргей Жураў
• Дзьмітры Бягун

Правыя гульнёвыя

• Вадзім Асіпкоў

Вонкавыя спасылкі

• Афіцыйная бачына (рас.) (анг.)
• Профіль (анг.) на бачыне БФГ