Гомельскі дзяржаўны цырк

Гомельскі дзяржаўны цырк — стацыянарны цырк, разьмешчаны ў горадзе Гомелі.

Упершыню цырк у Гомелі быў пабудаваны ў 1890-я гады прадпрымальнікам І. Слабадовым. Ён быў драўляны і разьмяшчаўся на Коннай плошчы (дзе цяпер разьмешчаны цэнтральны рынак), будынак існаваў да 1917 году. Другі цырк у Гомелі быў пабудаваны ў 1926 годзе, у 1932 годзе будынак быў перададзены тэатру, а ў 1941 годзе згарэў. У 1950-я гады працаваў цырк-шапіто.