Герута
Герута (лац. Gerutha) — легендарная каралева ютаў, маці Амледа[1]. Пэрсанаж легенды пра Гамлета.
Біяграфія
рэдагавацьУпамінаецца ў «Дзеях данаў» Саксона Граматыка. Гэта дачка караля данаў Рорыка Кідальніка Кольцаў і жонка караля ютаў Гарвэндыла, ад якога нарадзіла сына Амледа. Брат Гарвэндыла Фэнга забіў яго, заняў пасад і ажаніўся з Герутай. Пазьней Амлед забіў Фэнга, а маці выкрыў як вінаватую ў кровазьмяшэньні. У наступнай кнізе Саксон Граматык упамінае айчыма Амледа пад імём Віглет, які па сьмерці Грорыка стаў каралём данаў і пачаў прыгнятаць Геруту, пазбавіўшы яе ўлады і багацьця.