Шэраг людзей хоча далучыцца да дзейнасьці супольнасьці Вікіпэдыі, але ўзьнікае шмат перашкод.
Вынікам дзейнасьці будзе дапаможнік вікіпэдыста, падчас стварэньня якога мы будзем узмацняць вікісупольнасьць, а таксама перадаваць веды пра Вікіпэдыю проста і зразумела.
Досьвед правядзеньня вікі-дзён, а таксама дасьледаваньне падштурхнулі нас сыстэматызаваць веды ў простай і зразумелай для большасьці форме — у выглядзе дапаможніка (папяровага, электроннага і вікі).
Акрамя вікідапаможніка, на працягу лета і восені 2015 мы працягнем узмацняць вікісупольнасьць, садзейнічаць пашырэньню ведаў пра Беларусь і сьвет на беларускай мове, тым самым узбагачаючы грамадзтва і ягоную інтэлектуальную спадчыну.
Гатовы дапаможнік будзе распаўсюджвацца ў лічбавым і друкаваным фарматах бясплатна пад вольнай ліцэнзіяй.
Renessaince — карэктура тэкстаў, фота, вікі-супольнасьць