Вялікія Вуйкі

«Вялікія Вуйкі» — украінскі камэдыйны 16-сэрыйны тэлесэрыял.

Вялікія Вуйкі

Прэм'ера адбылася на тэлеканале "1+1" 14 кастрычніка 2019 года. Галоўныя ролі ў праекце, які паставілі Міця Шмурак і Дзьмітры Маніфест, выканалі Юры Гарбуноў, Уладзімер Гаранскі, Назар Задняпроўскі, а таксама Міхаіл Паплаўскі, Надзя Мейхер, Ганна Кошмал і Артур Логай. Працяг сэрыяла «Апошні маскаль». Крэатыўны прадусар — Юры Гарбуноў.

Сюжэт

Першы сэзон

У сэрыяле прыгоды галоўных герояў «Апошняга маскаля» працягваюцца ва ўкраінскай сталіцы: на Андрыеўскім узвозе, Крэшчаціку, Майдане Незалежнасьці, Кіеўскім вакзале, а таксама на набярэжнай Рычкова вакзала. Яны прыяжджаюць у Кіеў па патрабаванні сельскага старасты Васіля Мікіцюка, каб за сродкі, выдзеленыя вёсцы Вялікія Вуйкі, пракласці дарогу да в. Бо з-за карупцыянэра права на забудову атрымлівае вёска-канкурэнт — Малыя Вуйкі. Васіль Мікіцюк вырашае сабраць дэлегацыю і адправіцца ў саму сталіцу шукаць справядлівасьці.

« «Гуцулы, якія ўсё жыцьцё правялі ў гарах, апынуцца ў найбуйнейшым мэгаполісе Ўкраіны. У сталіцы ім трэба будзе не толькі пазнаёміцца ​​з новымі героямі, але і адаптавацца да новага рытму жыцьця. Сучасная кватэра з мноствам незнаёмай тэхнікі, перапоўненае мэтро з вялікімі эскалятарамі, гандлёвыя цэнтры з павабнымі прапановамі, салёны прыгажосьці, гастранамічныя адкрыцьці і маса забаваў», — распавёў крэатыўны прадусар Юры Гарбуноў.