Вытворнае слова

Вытво́рнае сло́ва (матываванае, дэрыват) — слова, аснова якога матываваная па форме і значэньні асновай другога слова або словаў. Яно заўсёды двухкампанэнтнае. Складаецца з утваральнай (матывавальнай) часткі і фарманта.

Вытворных словаў у беларускай мове пераважная большасьць. Словаў, якія ня маюць словаўтваральных сувязяў зь іншымі (невытворных) і не ўтвараюць іншых словаў, зусім нямнога. Іх называюць словамі з нулявой вытворнасьцю. Гэта некаторыя запазычаныя словы.