Вольны хор

	Вольны хор
Гады	2020—дасюль
Краіна	Беларусь;
Месца ўтварэньня	Менск, Беларусь
Мова	беларуская
	Старонка на ФБ

Вольны хор — беларускі культурны рух музыкаў, артыстаў, сьпевакоў з народа, які ўзьнік у жніўні 2020 падчас пратэстаў супраць вынікаў прэзыдэнцкіх выбараў. Удзельнікі калектыву праславіліся нечаканым зьяўленьнем у розных грамадзкіх месцах Менску (мэтро, вакзал, бібліятэка, філярмонія, цырк, гандлёвыя цэнтры і г.д.) і выконвалі кампазыцыі, якія сталі найбольш папулярнымі падчас маштабных пратэстаў.

Гісторыя

25 жніўня Вольны хор зладзіў сваю першую сьпеўную акцыю і загучаў у Гандлёвым цэнтры «Сталіца». Гэты дзень і лічыцца днём народзінаў руху. Потым прайшло шэраг выступаў на прыступках філярмоніі, у гандлёвых цэнтрах, на вакзале, у опэрным тэатры і іншых пляцоўках Менску.

Удзельнікаў хору арыштоўвалі і катавалі, каралі пазбаўленьнем волі і штрафамі, таму рэпэтыцыі праводзяцца ў поўнай змове, а на канцэртах артысты носяць маскі^[1]. Удзельнікі харавога калектыву былі змушаныя пакінуць Беларусь празь небясьпеку перасьледу, як і шэраг іншых беларускіх дзеячоў культуры^[2].

Са жніўня 2020 па жнівень 2021 Вольны хор зладзіў сотні акцый, дзясяткі дваравых канцэртаў, запісаў альбом, выдаў два зборніка песень, запісаў некалькі кліпаў, зладзіў некалькі он-лайн-канцэртаў і вялікі канцэртны тур па Польшчы і Нямеччыне.

Творчасьць

Альбомы

2020 — Годныя песьні
2020 — Калядны
2023 — Песьні вольных людзей

Кнігі

2020 — кішэнны «Калядны спеўнік»

Крыніцы

Вонкавыя спасылкі

Старонка Вольнага хору на фэйсбуку
Альбом «Годныя песьні»
ВОЛЬНЫ ХОР: УСВЕДАМЛЯЕМ, ШТО МОГУЦЬ ПАСАДЗІЦЬ, АЛЕ БЯЗДЗЕЙНІЧАЦЬ НЕМАГЧЫМА(недаступная спасылка), tuzinfm, 6.11.2020

[1] У Каралеўскім замку ў Варшаве выступіць легендарны «Вольны хор», Беларуская рэдакцыя Польскага Радыё, 28.07.2021

[2] «Вольны хор» засьпяваў у падтрымку рэпрэсаваных беларускіх спартоўцаў, Радыё Свабода

[1]

[2]