Брэнбю Капэнгаген
«Брэ́нбю» (па-дацку: Brøndby) — дацкі футбольны клюб з гораду Капэнгагену, месьціцца на заходняй ускраіне дацкай сталіцы. Клюб зьяўляецца найбуйнейшым футбольным клюбам у Даніі, маючы ў сваіх шэрагах амаль 2 тысячы чальцоў. «Брэнбю» быў заснаваны ў 1964 годзе ў выніку зьліцьця двух мясцовых клюбаў. Адзінацаціразовы чэмпіён Даніі, сяміразовы ўладальнік Кубка Даніі.
| Брэнбю | |
 | |
| Поўная назва | Brøndbyernes Idrætsforening |
|---|---|
| Заснаваны | 3 сьнежня 1964 |
| Горад | Капэнгаген, Данія |
| Стадыён |
Брэнбю Умяшчальнасьць: 29 000 |
| Галоўны трэнэр | |
| Чэмпіянат | Супэрліга |
| · 2023—2024 | 2 месца |
 Галерэя здымкаў у Вікісховішчыbrondby.com (дацк.) | |
Пасьля заснаваньня ў горадзе яшчэ аднаго клюбу ў 1992 годзе, вядомага як «Капэнгаген», паміж камандамі маецца жорсткае супрацьстаяньне. Дэрбі паміж імі мае назоў «Новая фірма», капэнгагенаўскае супрацьстаяньне прыцягвае на стадыёны шмат заўзятараў на гульні паміж гэтымі супернікамі[2]. З 1985 па 2005 гады клюб атрымліваў перамогі ў чэмпіянаце 10 разоў, такім чынам атрымоўваючы чэмпіёнскі тытул раз на два сэзоны.